រាជធានីភ្នំពេញ ៖ បុរសម្នាក់បានសន្លប់បាត់ស្មារតីនៅលើផ្លូវព្រះសីហនុ ក្នុងសង្កាត់អូឡាំពិក ខណ្ឌចំការមន ដោយសារតែជិះម៉ូតូក្នុងល្បឿនលឿនបុកឆ្កែមួយក្បាលដែលកំពុងរត់ឆ្លងផ្លូវ។ ហេតុការណ៍នេះបានកើតឡើងកាលពីវេលាម៉ោង៩និង៣៥នាទីយប់ថ្ងៃទី១៦ ឧសភា ២០១២។
សាក្សីដែលឃើញហេតុការណ៍បានឱ្យដឹងថា មុនពេលកើតហេតុបុរសរងគ្រោះជិះម៉ូតូម៉ាកវីវ៉ាពណ៌ខ្មៅ តាមបណ្ដោយផ្លូវព្រះសីហនុពីជើងទៅត្បូង ស្រាប់តែមកដល់ចំណុចកើតហេតុ ក៏វាក់នឹងសត្វឆ្កែមួយក្បាលដែលរត់ឆ្លង់កាត់ផ្លូវ បណ្ដាលឱ្យម៉ូតូបុកដួលប្រាវទៅចិញ្ចើមផ្លូវ ហើយបុរសអ្នកបើកម៉ូតូសន្លប់បាត់ស្មារតីតែម្ដង។
ក្រោយពេលកើតហេតុរថយន្ដសាមុយបានដឹកបុរសរងគ្រោះទៅសង្គ្រោះ និងព្យាបាលភ្លាមៗនៅមន្ទីរពេទ្យ។ ឯម៉ូតូជនរងគ្រោះត្រូវបានប៉ូលិសខណ្ឌចំការមន យកទៅរក្សាទុកឱ្យជនរងគ្រោះ៕
ចែករំលែកព័តមាននេះ