យោងតាមការស្ទាបស្ទង់មតិថ្មីរបស់USA TODAY/GALLUPចេញផ្សាយកាលពីថ្ងៃទី១៥ឧសភាថាពលរដ្ឋអាមេរិកដែលគេសាកសួរ៥៦%គិតថាលោកបារ៉ាក់អូបាម៉ានឹងជាប់ឆ្នោតប្រធានាធិបតីទៀតក្នុងឆ្នាំ២០១២ទល់នឹង៣៦%ដែលគិតថាបេក្ខជនគណបក្សសាធារណរដ្ឋលោកមីតរ៉ូមនីអាចឈ្នះ ។
ការស្ទាបស្ទង់មតិនេះធ្វើឡើងរវាងថ្ងៃទី១០ទៅ១៣ឧសភាបង្ហាញថាពួកប្រជាធិបតេយ្យ៨១%យល់ថាលោកអូបាម៉ានឹងឈ្នះក្នុងការបោះឆ្នោតប្រធានាធិបតីនាខែវិច្ឆិកាខាងមុខនេះចំណែកឯពួកអ្នកសាធារណរដ្ឋ៦៨% យល់ថា លោករ៉ូមនី នឹងឈ្នះ ។ ក្នុងចំណោមពួកអ្នកឯករាជ្យ៥៨% ជឿលើជ័យជំនះរបស់លោកអួបាម៉ា ចំណែក៣១%ជឿថាលោករ៉ូមនីឈ្នះ ។
ការស្ទាបស្ទង់មតិនេះ ធ្វើឡើងតាមរយៈការធ្វើសម្ភាសន៍តាមទូរស័ព្ទចំពោះមនុស្សពេញវ័យអាមេរិក ១.០១២នាក់ដែលមានអាយុលើសពី១៨ឆ្នាំទៅក្នុងរដ្ឋ៥០ និងស្រុកកូឡុំប៊ីយ៉ា ៕
ចែករំលែកព័តមាននេះ