ខេត្តសៀមរាប ៖ មានការកកស្ទះចរាចរណ៍ប្រមាណ១ម៉ោងលើកំណាត់ផ្លូវជាតិលេខ៦ ចំណុចមុខទីប្រជុំជនផ្សារលើធំថ្មីនៃក្រុងទេសចរណ៍សៀមរាប បណ្តាលមកពីករណីគ្រោះថ្នាក់ចរាចរណ៍រវាងរថយន្តដឹកភ្ញៀវទេសចរបុកជាមួយម៉ូតូមួយគ្រឿង ។ ហេតុការណ៍នេះកើតឡើងកាលពីវេលាម៉ោង៩និង៣០នាទីព្រឹកថ្ងៃទី១៥ ឧសភា ។
ប្រភពពីប៉ូលិសចរាចរនៅកន្លែងកើតហេតុឱ្យដឹងថា ករណីគ្រោះថ្នាក់ចរាចរណ៍នេះគឺបង្កឡើងដោយសារតែរថយន្តធុនធំចំណុះ៣២កៅអី មានផ្ទុកភ្ញៀវទេសចរបើកបរក្នុងទិសដៅពីលិចទៅកើតបុកម៉ូតូម៉ាកសង់កូរ៉េដែលកំពុងបើកខាងមុខរថយន្ត បណ្តាលឱ្យម៉ូតូជនរងគ្រោះដួលខ្ទាតទៅប៉ះ និងរថយន្តម៉ាកកាមរីឆ្លាមពណ៌ស្ករ មួយគ្រឿងទៀត ដែលកំពុងចតស្ងៀមនៅចិញ្ចើមផ្លូវ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ