ការវាយប្រហារប្រឆាំងអាល់កៃដានៅភាគខាងត្បូងយេម៉ែនដែលបើកធ្វើចាប់តាំងពី៤ថ្ងៃមកហើយបានត្រូវពង្រឹងថែមកាលពីថ្ងៃទី១៥ឧសភាដែលបណ្តាលឱ្យមនុស្សស្លាប់៥៣នាក់ ក្នុងនោះមានពួកបះបោរអ៊ិស្លាម២៥នាក់ ទាហាន៨នាក់ និងជនស៊ីវិល១៨នាក់ដែលស្លាប់ដោយការវាយប្រហារច្រឡំរបស់កងយន្តហោះ។
ការវាយលុកនោះដែលរួមមានទាំងការវាយប្រហារតាមអាកាសនិងតាមផ្លូវគោកត្រូវបានពង្រីកនៅLODER ខណៈដែលសំរុកចាប់តាំងពីថ្ងៃទី១២ ឧសភាមកនៅជុំវិញទីក្រុងហ្ស៊ីនជីបា ទីប្រជុំជនខេត្តអាប៊ីយ៉ាន ដែលស្ថិតក្នុងកណ្តាប់ដៃពួកអាល់កៃដាចាប់តាំងពីជិតមួយឆ្នាំមកហើយ ។
អ្នកទទួលខុសត្រូវមូលដ្ឋានម្នាក់និយាយថា នៅចាអារចម្ងាយ១២គ.មខាងជើងក្រុងហ្ស៊ីនជីបា យុទ្ធជនអាល់កៃដា១១នាក់ ត្រូវស្លាប់ក្នុងការវាយឆ្មក់តាមអាកាសលើកទី៣ធ្វើឱ្យពួកអាល់កៃដាស្លាប់នៅទីនោះឡើងដល់១៣នាក់ ។ ការវាយឆ្មក់តាមអាកាសលើកមុនបានសម្លាប់ដោយច្រឡំនៅចាអារដែរនូវជនស៊ីវិល១២នាក់ ហើយជាច្រើននាក់ត្រូវរបួស ៕
ចែករំលែកព័តមាននេះ