ប្រទេសយេម៉ែនបានចាប់ផ្តើមខិតខំប្រឹងប្រែងក្នុងការអភិវឌ្ឍវិស័យប្រេង និងឧស្ម័ន ដែលត្រូវបានគេមើលឃើញថា ជាឆ្អឹងខ្នងនៃ
សេដ្ឋកិច្ចជាតិ បន្ទាប់ពីមានភាពវឹកវរក្នុងឆ្នាំ២០១១ធ្វើឲ្យប្រទេសធ្លាក់ចូលក្នុងវិបត្តិ ។ក្នុងការខិតខំប្រឹងប្រែងនេះ រដ្ឋាភិបាលបានជួបជាមួយក្រុមហ៊ុនប្រេង និងឧស្ម័ន ដើម្បីបញ្ជាក់ពីការធ្វើសម្បទានរបស់ពួកគេ ដោយបង្កើនផលិតកម្មប្រេង និងឧស្ម័ន ដើម្បីពង្រីកសេដ្ឋកិច្ច ក្នុងនោះមានការលើកកម្ពស់ការវិនិយោគពីក្រុមហ៊ុនរុស្ស៊ី ចក្រភពអង់គ្លេស សហរដ្ឋអាមេរិក និងឥណ្ឌា ។
ពេលរដ្ឋាភិបាលថ្មីចូលកាន់តំណែងក្នុងខែធ្នូរដ្ឋាភិបាលបានបង្កើតផែនការក្នុងការអភិវឌ្ឍការរុករកប្រេងនិងឧស្ម័ននិងដំណើរការប្រតិបត្តិការរកស៊ីដើម្បីទាក់ទាញអ្នកវិនិយោគ។ ក្នុង កម្មវិធីដែលទទួលការអនុម័តពីសភានោះ រដ្ឋាភិបាលផ្តោតខ្លាំងទៅលើការពង្រីកផលិតកម្មឧស្ម័ន ដើម្បីរកចំណូលបន្ថែម និងបង្កើតថាមពលអគ្គិសនី ។
ប្រទេសយេម៉ែន ជាប្រទេសផលិតប្រេងតូចមួយនៅពេលនេះ ប៉ុន្តែក្រសួងប្រេងរបស់ ប្រទេសនេះបាននិយាយថា ផ្ទៃដីប្រមាណ៨៥ភាគរយរបស់ខ្លួននៅមិនទាន់បានរុករកប្រេងនៅឡើយទេ ។ ជាមួយនឹងអណ្តូងប្រេងកាតចំនួន១២កន្លែងនោះ មានតែអណ្តូងពីរប៉ុណ្ណោះដែលអាចទាញផលពីប្រេងនិងឧស្ម័នគឺអណ្តូង Marib-Shabwa និង Masila ។ ក្រសួងប្រេង ក៏បានបង្ហើបឲ្យដឹងថា នាពេលនេះប្លុកផលិតចំនួន១២កន្លែង ប្លុករុករក៣១កន្លែង និងប្លុក៦០កន្លែងទៀតនឹងបើកទ្វារសម្រាប់ការវិនិយោគ ។
ប្រាក់ចំណូលពីប្រេងមានចំនួនប្រមាណជាង៧០ភាគរយនៃថវិការដ្ឋ ហើយប្រេងនិងឧស្ម័នប្រមាណជាង៩០ភាគរយត្រូវនាំចេញ។
បើទោះជាមានការប្រកួតប្រជែងក្នុងពេលថ្មីៗនេះ ការអភិវឌ្ឍក្នុងវិស័យប្រេងនិងឧស្ម័ន ជាពិសេសការបង្កើនផលិតកម្មមិនទាន់គ្រប់គ្រាន់ទេ ។ មន្ត្រីនិងអ្នកជំនាញនិយាយថា ស្ថានភាពនេះត្រូវការថ្នាំការពារដ៏មានស្ថិរភាពមួួយនិងការកែប្រែប្រកបដោយភាពរឹងមាំភ្លាមៗ និងវិធានការហ្មត់ចត់ពីរដ្ឋាភិបាល ។
បើតាមមន្ត្រីនៃអាជ្ញាធរផលិត និងរុករកប្រេង(PEPA) ថា ក្រុមហ៊ុនមួយចំនួនអាចបង្កើតការផលិតរបស់ខ្លួនចាប់តាំងពីពួកគេសិក្សាឃើញលទ្ធភាពដែលអាចទៅរួច ។អ្នកសេដ្ឋកិច្ចនិយាយថា ផែនការក្នុងការអភិវឌ្ឍលើវិស័យប្រេងនិងឧស្ម័ន ពិតជាល្អ ប៉ុន្តែថ្នាំការពារគួតែផ្តល់ជីវិតដល់ការប្រកួតប្រជែងឲ្យមានប្រសិទ្ធភាពចំពោះសេដ្ឋកិច្ចជាតិព្រោះប្រទេសយេម៉ែនត្រូវការអភិវឌ្ឍរយៈពេល
វែងលើវិស័យប្រេង ។
បន្ថែមលើសពីនេះ របាយការណ៍របស់មន្ត្រី និងធនាគារមួយបានព្រមាន និងក្រើនរំលឹកពីការប្រើប្រាស់ប្រេងបម្រុងអស់ក្នុងរយៈពេលជិតមួយទសវត្ស និងការប៉ះពាល់សន្តិសុខក្នុងការទាក់ទាញ់ការវិនិយោគបន្ថែមចូលវិស័យប្រេង និងឧស្ម័នរបស់ប្រទេសយេម៉ែន ។ តែក្រសួងប្រេងឆ្លើយតបថា របាយការណ៍ព្រមាននៃការប្រើប្រាស់អស់ប្រេង គឺមិនមែនជាការពិតព្រោះតាមការសិក្សាបង្ហាញថា មានប្រេងនិងឧស្ម័នដ៏ច្រើនលើសលប់ក្នុងប្រទេសយេម៉ែននៅមិនទាន់រកឃើញនិងយកមកប្រើប្រាស់នៅឡើយ។ មានការសិក្សាខ្លះបង្ហាញពីការព្យាករប្រេងបម្រុងរបស់ប្រទេសនេះថាមានប្រមាណជាង៩,១ពាន់លានបារ៉ែល និងឧស្ម័នបម្រុងប្រមាណជាង៥១០ពាន់លានម៉ែត្រគូប ។ការផលិតប្រេងរបស់ប្រទេសយេម៉ែន បានធ្លាក់ចុះពីចំនួន៤សែនបារ៉ែលក្នុងមួយថ្ងៃមកនៅត្រឹមតែ២៧០.០០០បារ៉ែលក្នុងមួយថ្ងៃ ។
លោក Mustapha Nasr ប្រធានមជ្ឈមណ្ឌលផ្សព្វផ្សាយសេដ្ឋកិច្ចនិងសិក្សានិយាយថារដ្ឋាភិបាលគួរតែចាប់ផ្តើមវិធានការចាំបាច់ក្នុងការអភិវឌ្ឍវិស័យនោះ និងបង្កើនផលិតកម្ម ព្រោះប្រទេសមានប្រេងនិងឧស្ម័នបម្រុងច្រើន។ម្យ៉ាងទៀតមានតែផ្នែកដ៏តូចប៉ុណ្ណោះនៃប្រទេសនេះត្រូវបានរុករកប្រេងនិងឧស្ម័ន ហេតុនេះតម្រូវឱ្យមានការខិតខំប្រឹងប្រែងខ្លាំងក្លារួមមានរបៀបនៃការសិក្សារៀនសូត្រពីប្រទេសដែលធ្លាប់មានបទពិសោធន៍ផ្សេងក្នុងការរុករកផលិតប្រេងនិងឧស្ម័ន ។កង្វះខាតផ្នែកសម្ភារនៅតែជាបញ្ហាប៉ះពាល់ដល់ការអភិវឌ្ឍលើវិស័យប្រេងនិងឧស្ម័ននាពេលនេះ ក្នុងនោះរួមមានការគ្រប់គ្រងប្រភពដើមមិនល្អ ស្ថានភាពសន្តិសុខ និងអំពើពុករលួយ ។
តែទោះជាយ៉ាងណា កិច្ចពិភាក្សាជាមួយម្ចាស់ជំនួយនឹងធ្វើឡើងក្នុងប្រទេសអារ៉ាប់ប៊ីសាអូឌីតក្នុងខែនេះ ហើយត្រូវគេសង្ឃឹមទុកមុនថា វិស័យប្រេងនិងឧស្ម័ននឹងកើនឡើង៣,៦ភាគរយ ។អំពើពុករលួយ និងការគ្រប់គ្រងមិនល្អ នៃប្រភពធនធានធម្មជាតិ បានរីកសាយភាយនៅគ្រប់ការិយាល័យក្នុងប្រទេសយេម៉ែន ជាពិសេសក្នុងវិស័យថាមពល។ អ្នកជំនាញនិយាយថា មន្ត្រីជាន់ខ្ពស់ក្នុងរបបចាស់មានភាគហ៊ុនក្នុងក្រុមហ៊ុន ប្រេងក្នុងប្រទេស ។
មន្ត្រី PEPA និយាយថា ប្រសិនបើមានការ គ្រប់គ្រងល្អលើប្រភពធនធានធម្មជាតិ ប្រទេសជាតិ មិនប្រើប្រាស់អស់ប្រេងបម្រុងឡើយ ។អាជ្ញាធរប្រទេសយេម៉ែនពឹងផ្អែកទាំងស្រុងលើអ្នកវិនិយោគបរទេសក្នុងការសិក្សា និងរុករក ខណៈក្នុងប្រទេសគ្មានអ្នកជំនាញជាន់ខ្ពស់ចូលរួមលើប្រតិបត្តិការទាំងនោះឡើយ ។ស្របពេលជាមួយគ្នានោះដែរ ស្ថានភាពសន្តិសុខ នៅតែបង្កក្តីបារម្ភធំប៉ះពាល់ដល់ការវិនិយោគ ព្រោះមានការវាយប្រហារលើបំពង់បង្ហូរប្រេងពីកងយោធា។ នាពេលថ្មីៗនេះមានការវាយប្រហាររហូតត្រូវបញ្ឈប់ការបូមប្រេងក្នុងខែតុលា ៕
ចែករំលែកព័តមាននេះ