ពួកអ្នកទោសប៉ាឡេស្ទីននៅអ៊ីស្រាអែល និងអាជ្ញាធរពន្ធនាគារបានចុះហត្ថលេខាកាលពីថ្ងៃទី១៤ឧសភាលើកិច្ចព្រមព្រៀងមួយក្រោមការធ្វើអាជ្ញាកណ្តាលរបស់អេហ្ស៊ីបដើម្បីលុបចោលកូដកម្មអត់អាហារគ្នាច្រើនក្នុងគុកដែលការអូសបន្លាយកូដកម្មបែបនេះអាចជំរុញឱ្យផ្ទុះអំពើហិង្សានានា ។
អ៊ីស្រាអែលបានសុខចិត្តទទួលយកការទាមទារសំខាន់៣របស់ពួកអ្នកទោសគឺលុបចោលការឃុំឃាំងគ្មានពេលកំណត់ដោយគ្មានការកាត់ទោស លុបចោលការបង្ខាំងអ្នកទោសឱ្យនៅដាច់តែឯងនិងអនុញ្ញាតឱ្យមានការមកសាកសួរសុខទុក្ខ សម្រាប់ពួកអ្នកទោសមានដើមកំណើតនៅហ្គាហ្សាជាថ្នូរនឹងការសន្យាចុះហត្ថលេខាលើកិច្ចព្រមព្រៀងផ្អាករាល់អំពើភេរវកម្ម ព្រមទាំងរាល់កូដកម្មអត់អាហារថ្មីៗ ។
ប្រធានក្លឹបអ្នកទោសប៉ាឡេស្ទីន លោកកាដឌូរ៉ាហ្វារេស ថ្លែងប្រាប់AFPថា រាល់ចលនាប៉ាឡេស្ទីនបានចុះហត្ថលេខាលើកិច្ចព្រមព្រៀងមួយក្នុងពន្ធនាគារ ASHKELON ភាគខាងត្បូងអ៊ីស្រាអែលដើម្បីបញ្ឈប់កូដកម្មអត់អាហារ៕
ចែករំលែកព័តមាននេះ