កងទ័ពស៊ីរីកាលពីថ្ងៃទី១៣ឧសភាបានធ្វើការវាយលុកលើភូមិមួយនៃខេត្តហាម៉ា (ភាគកណ្តាល) និងវាយប្រហារលើក្រុងឌូម៉ាជិតក្រុងដាម៉ាស់១ខែក្រោយការប្រកាសបទឈប់បាញ់គ្នាក្នុងប្រទេស ។ប្រតិបត្តិការទាំងនេះរបស់កងទ័ពព្រមទាំងការប្រយយុទ្ធគ្នារវាងកងទ័ពនិងពួកទាហានផ្តាច់ខ្លួនដែលបណ្តាលឱ្យមនុស្សស្លាប់សរុប៣០នាក់កើតមានមុនពេលដាក់ទណ្ឌកម្មថ្មីៗរបស់អឺរ៉ុបនិងខណៈដែលជិត២ភាគ៣នៃអ្នកសង្កេត ការណ៍អ.ស.ប ទាំង៣០០នាក់ត្រូវបានមកដល់ប្រទេសស៊ីរីរួចហើយ ។
អង្គការសិទ្ធិមនុស្សស៊ីរីOSDH រាយការណ៍ថា ជនស៊ីវិល៥នាក់ក្នុងនោះមាននារីម្នាក់បានត្រូវកងទ័ពរដ្ឋាភិបាលសម្លាប់ក្នុងការវាយលុកលើភូមិតាម៉ាណាអាតអាល់ ហ្គាម ខេត្តហាម៉ា ។ ក្រៅពីនេះទៀតមនុស្ស១៨នាក់ត្រូវរបួសក្នុងនោះ៣នាក់របួសធ្ងន់រួចផ្ទះជាច្រើនខ្នងត្រូវភ្លើងឆេះក្នុងការវាយប្រហារនោះ ។
នៅមានការវាយប្រហារដទៃៗទៀត ពិសេសនៅខេត្តហ្គោដឺរ៉ាអា ដែលនៅទីនោះទាហាន៥នាក់ស្លាប់ក្នុងការប្រយុទ្ធគ្នាព្រមទាំងនៅក្រុងគូសសឺអៀរ ខេត្តហូម ជាកន្លែងមានជនស៊ីវិលស្លាប់២នាក់ ។តាមតួលេខរបស់OSDH ថាអំពើហិង្សាកាលពីថ្ងៃទី១៣ឧសភាក្នុងទូទាំងប្រទេសសរុបមានជនស៊ីវិលស្លាប់២២នាក់ ទាហានស្លាប់៦នាក់និងពួកឧទ្ទាមស្លាប់២នាក់ ៕
ចែករំលែកព័តមាននេះ