កិច្ចប្រជុំលើកទី៥របស់មេដឹកនាំចិនជប៉ុន និងកូរ៉េខាងត្បូងចាប់ផ្តើមកាលពីព្រឹកថ្ងៃទី១៣ឧសភានៅទីក្រុងប៉េកាំង ។កិច្ចប្រជុំនេះ ដឹកនាំធ្វើដោយនាយករដ្ឋមន្ត្រីចិនលោកវេនជាបាវ ហើយចូលរួមដោយនាយករដ្ឋមន្ត្រីជប៉ុនលោកយ៉ូស៊ីហ៊ីកូ ណូដានិងប្រធានាធិបតីកូរ៉េខាងត្បូងលោកលីម្យុងបាក់ ។
លោកណូដា បានអញ្ជើញមកដល់ទីក្រុងប៉េកាំងនាថ្ងៃទី១២ឧសភា ហើយលោកលីម្យុងបាក់ ក៏មកដល់រដ្ឋធានីចិននាយប់ថ្ងៃទី១២ ឧសភានោះដែរ ដើម្បីចូលរួមក្នុងកិច្ចប្រជុំកំពូលត្រីភាគីនោះ ។ កិច្ចប្រជុំនេះគ្រោងធ្វើនាថ្ងៃទី១៣ និង១៤ឧសភា ។
អ្នកនាំពាក្យរបស់ក្រសួងការបរទេសចិនលោកហុងឡី គូសបញ្ជាក់ថា កិច្ចសហប្រតិបត្តិការរវាងចិន ជប៉ុន និងកូរ៉េខាងត្បូងត្រូវបានពង្រីកយ៉ាងឆាប់រហ័ស ហើយទទួលបានលទ្ធផលដ៏ធំធេងនានា ។ លោកវាយតម្លៃថា កិច្ចប្រជុំនោះនឹងពង្រឹងកិច្ចសហប្រតិបត្តិការត្រីភាគី ដោយសារការខិតខំប្រឹងប្រែងរួមរបស់ប្រទេសទាំង៣ ៕
ចែករំលែកព័តមាននេះ