កាលពីថ្ងៃព្រហស្បតិ៍ ទី១០ ឧសភា ក្រុមហ៊ុន Olympus បានប្រកាសពីការខាតបង់ប្រចាំឆ្នាំគិតមកដល់ខែមីនា ឆ្នាំ២០១២ ថាមានចំនួន៤៨,៩៩ពាន់លានយ៉េន ។ ការខាតបង់ដោយសារការលាក់បាំងនៃការខាតបង់របស់ខ្លួនក្នុងវិនិយោគ ដែលវាមិនត្រឹមតែប៉ះពាល់ចំពោះខ្លួនឯងទេ តែវាបានប៉ះពាល់ដល់មុខមាត់របៀបនៃការគ្រប់គ្រងក្រុមហ៊ុនក្នុងប្រទេសជប៉ុន ។
ពាក់ព័ន្ធរឿងលាក់បាំងនោះ បង្កើតឲ្យមាន ការប្តឹងផ្តលក្នុងតុលាការ ចាប់ខ្លួនអតីតនាយកប្រតិបត្តិចោទប្រកាន់ថា បានលាក់បាំងការវិនិយោគខាតបង់ប្រាក់ចំនួន១,៧ពាន់លានយ៉េន ។ រហូតមកដល់ពេលនេះការស៊ើបអង្កេតក្នុងក្រុមហ៊ុនពីសំណាក់រដ្ឋាភិបាលនៅមិនទាន់បានបញ្ចប់នៅឡើយទេ ។
ក្រុមហ៊ុនបន្តថា ក្រុមហ៊ុនបានទទួលប្រាក់ចំណូល៣,៨៧ពាន់លានយ៉េន ហើយវាជាចំនួន ច្រើនជាងការព្យាករណ៍ទៅទៀត ។
ក្រុមហ៊ុនដែលបានទម្លាក់ការព្យាករណ៍ប្រាក់ចំណូលរបស់ខ្លួនប្រចាំឆ្នាំគិតដល់ ខែមីនា ឆ្នាំ២០១៣ និយាយថា មានការកក់លក់ចេញចំនួន៨៤៨,៥៥ពាន់លានយ៉េនក្នុងរយៈពេលចុងក្រោយ កើនឡើងបន្តិចពីឆ្នាំមុន ។ ក្រុមហ៊ុននិយាយថា ការខាតបង់រួមបញ្ចូលទាំងការខាត់បង់ ពិសេសចំនួន៨,៨២ពាន់លានយ៉េន ដែលរួមមានការវាយតម្លៃឡើងវិញនូវដើម របស់ក្រុមហ៊ុន ក៏ដូចជាការខាត់បង់ពាក់ព័ន្ធនឹង ការរៀបចំកសាងប្រព័ន្ធពាណិជ្ជកម្មរបស់ក្រុមហ៊ុនផង ។
ក្រុមហ៊ុនមិនបានផ្តល់ព័ត៌មានលម្អិតទេ ប៉ុន្តែបាននិយាយបន្ថែមថា ការខាតបង់រួមមានការចំណាយដើម្បីជម្រះបញ្ជីក្រុមហ៊ុនកណ្តាលបីដែលជាប់ពាក់ព័ន្ធនឹងរឿងអាស្រូវ ។ក្រុមហ៊ុន Olympus បានទិញក្រុមហ៊ុនកែច្នៃ កាកសំណល់ Altis ពីក្រុមហ៊ុនកែសម្ផស្ស Humalabo និងក្រុមហ៊ុន microwave ឈ្មោះNews Chef សរុបមានតម្លៃជិត១ពាន់លានយ៉េន ។
តម្លៃភាគហ៊ុនរបស់ក្រុមហ៊ុនធ្លាក់ចុះ៣ភាគ៤ពីតម្លៃដើមបន្ទាប់ពីមានរឿងអាស្រូវផ្ទុះឡើង បន្ទាប់ពីអតីត CEOជាតិអង់គ្លេស Michael Woodford កាលពីខែតុលា ឆ្នាំ២០១១ ។ តម្លៃនាពេលនោះធ្លាក់ចុះពីតម្លៃ២.៤៨២យ៉េនមកត្រឹមតែ៤២៤យ៉េន។ ក្រោយមកឈ្មោះក្រុមហ៊ុនស្ទើរតែត្រូវបានលុបចេញពីបញ្ជីផ្សារហ៊ុនទីក្រុងតូក្យូ ។
កាលពីខែមុនក្រុមហ៊ុនបានរៀបចំកិច្ចប្រជុំ ម្ចាស់ភាគហ៊ុន ដែលអ្នកវិនិយោគសម្រួលសំណួរដល់នាយកប្រតិបត្តិក្រុមហ៊ុនពីការស្តារក្រុមហ៊ុនឡើងវិញ ស្របពេលអតីត CEO ជាតិអង់គ្លេសគំរាមចាត់វិធានការតាមផ្លូវច្បាប់ បន្ទាប់ពីក្រុមហ៊ុនសម្រេចតែងតាំងគណៈកម្មាធិការនាយកថ្មី ។ រហូតមកដល់ពេលនេះភាគហ៊ុនរបស់ក្រុមហ៊ុន Olympus បានកើនឡើង១,៣៤ភាគរយ ស្មើនឹង១.១៣០យ៉េននៅថ្ងៃព្រហស្បតិ៍ ទី៩ ឧសភា បន្ទាប់ពីចេញរបាយការណ៍ ៕
ចែករំលែកព័តមាននេះ