តម្លៃផលិតកម្មអាមេរិកធ្លាក់ចុះដែលមិនគួរឱ្យជឿក្នុងខែមេសា ព្រោះតម្លៃថាមពលធ្លាក់ចុះទាបបំផុតក្នុងរយៈ៦ខែចុងក្រោយ។ វាជាសញ្ញានៃភាពធូរស្រាលនៃសម្ពាធអតិផរណាដែលអាចឲ្យធនាគារកណ្តាលអាមេរិកមានចន្លោះជួយសេដ្ឋកិច្ចឲ្យងើបឡើងបន្តិច ។
ក្រសួងការងារនិយាយនៅថ្ងៃសុក្រ ទី១១ ខែ ឧសភាថា តម្លៃផលិតកម្មធ្លាក់ចុះ០,២ភាគរយកាលពីខែមេសា ។ វាជាការធ្លាក់ចុះលើទីមួយ និងច្រើនបំផុតគិតចាប់តាំងពីខែ តុលា ឆ្នាំ២០១១ ។
តាមការស្ទង់មតិរបស់ Reutersបង្ហាញពី ក្តីសង្ឃឹមថា តម្លៃនៃផលិតកម្មកសិកម្ម រោងចក្រ និងការចំរាញ់ប្រេងនឹងអាចធ្លាក់ចុះ ។
ការធ្លាក់ចុះនេះនាំឲ្យតម្លៃលក់ដុំធ្លាក់ចុះ១,៩ភាគរយ ជាអត្រាមួយខ្ពស់ជាងខែមេសា ឆ្នាំ២០១២ និងមានតម្លៃថោកបំផុតគិតមកដល់ខែតុលា ឆ្នាំ២០១១ ។តម្លៃលក់ដុំមិនរួមបញ្ចូលពីផលិតកម្មស្បៀងអាហារ និងថាមពលដែលកើនឡើងតម្លៃដូចការព្យាករណ៍របស់អ្នកសេដ្ឋកិច្ចដែលថាកើនឡើង០,២ភាគរយ បន្ទាប់ពីកើនឡើងដល់០,៣ភាគរយកាលពីខែមីនា ឆ្នាំ២០១២។
ការធ្លាក់ចុះនូវអត្រាតម្លៃផលិតកម្មដោយសារតែមានការធ្លាក់ចុះនូវតម្លៃថាមពលប្រមាណ១,៤ភាគរយ ដែលជាចំនួនធ្លាក់ចុះខ្លាំងបំផុតគិតចាប់ពីខែតុលា ឆ្នាំ២០១១ មក ។ តម្លៃប្រេងឥន្ធនៈធ្លាក់ចុះ១,៧ភាគរយ ស្របពេលតម្លៃឧស្ម័ន និងប្រេងម៉ាស៊ូតធ្លាក់ចុះព្រមគ្នានោះ ។
តម្លៃផលិតកម្មក្រៅពីថាមពល និងស្បៀងអាហារត្រូវបានគេជំរុញឲ្យកើនឡើង០,៤ភាគរយ ។ ចំណែកតម្លៃរបស់យន្តហោះឯកជនស៊ីវិលក៏ត្រូវដំឡើងពីតម្លៃដើមផងដែរ ។ក្នុងរយៈពេល១២ខែគិតមកដល់ខែមេសា ឆ្នាំ២០១២ តម្លៃផលិតកម្មធ្លាក់ចុះ២,៧ភាគរយ បន្ទាប់ពីកើនឡើងចំនួន២,៩ភាគរយកាលពីខែមីនា។ តម្លៃផលិតកម្មធ្លាក់ចុះក្នុងខែ មេសាមានអត្រាទាបជាងការព្យាករណ៍របស់អ្នកវិភាគ សេដ្ឋកិច្ចនានា ៕
ចែករំលែកព័តមាននេះ