ខេត្តពោធិ៍សាត់ ៖ លោកជំទាវជា ខេង ភរិយាលោកស៊ុយ សែម រដ្ឋមន្ត្រីក្រសួងឧស្សាហកម្មរ៉ែ និងថាមពល និងជាប្រធានក្រុមការងារគណបក្សប្រជាជនកម្ពុជាចុះជួយខេត្តពោធិ៍សាត់ អមដំណើរដោយលោកជំទាវ ទី នរិន្ទ លោកជំទាវ តាន់ គឹមវិន និងលោកជំទាវ ខូយ សុខា កាលពីថ្ងៃទី១១ ឧសភា ២០១២ បានអញ្ជើញចុះសំណេះសំណាលសួរសុខទុក្ខ និងយកអំណោយទៅចែកជូនលោកគ្រូ អ្នកគ្រូ និងសិស្សានុសិស្សសាលាបឋមសិក្សា និងអនុវិទ្យាល័យព្រះម្លូ ស្ថិតនៅភូមិព្រះម្លូ ឃុំបឹងខ្នារ ស្រុកបាកាន ។
លោកជំទាវ ជា ខេង ស៊ុយ សែម បានសម្តែងទឹកចិត្តសប្បាយរីករាយជាមួយសិស្សានុសិស្សនៅទីនោះដោយបានរំលឹកថា កាលជំនាន់លោករដ្ឋមន្ត្រី ស៊ុយ សែម និងលោកជំទាវក៏ដូចជាឪពុកម្តាយជីដូនជីតារបស់ក្មួយៗរៀន ពុំមានអគារថ្ម ឬអគារឈើល្អៗទេ គឺរៀនក្រោមដើមឈើ ប្រក់តង់ ហើយដើរទៅរៀនកាត់តាមវាលស្រែសន្ទូង លុយទឹកអូរ ទឹកប្រឡាយដីចម្ងាយបួនដប់គីឡូម៉ែត្រឯណោះ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ