ប្រជាជនភូមាដែលមានគណនីរូបិយប័ណ្ណ បរទេស ពេលនេះអាចនាំរថយន្តដឹកអ្នកដំណើរស៊េរីឆ្នាំ២០០៧ ឬលើសពីនេះបាន។ នេះបើតាមបណ្តាញផ្សព្វផ្សាយក្នុងស្រុក ។
លោករដ្ឋមន្ត្រីពាណិជ្ជកម្ម U Win Myint ដែលជាប្រធានគម្រោងថ្លែងថា ប្រទេសភូមា កំពុងចាត់វិធានការមួយជំហានម្តងៗ ដើម្បីអាចឲ្យសាធារណជនទិញរថយន្ត ដោយសេរីពីកន្លែងដាក់តាំងលក់រថយន្ត ឬតាមការនាំរថយន្តចូល ។ ចាប់តាំងពីខែកញ្ញា ឆ្នាំ២០១១ មក ប្រទេសភូមា បានអនុវត្តគម្រោងដើម្បីផ្លាស់ប្តូររថយន្តដែលនៅជាមួយម្ចាស់ជាង៤ទសវត្សចេញ និងមានវ័យចំណាស់មកហើយនោះ ។ មានរថយន្តប្រមាណ៥៥.០០០គ្រឿងមកហើយត្រូវបានផ្លាសប្តូរតាមរយៈកម្មវិធីនោះ ។
យោងតាមទិន្នន័យរបស់នាយកដ្ឋានដឹកជញ្ជូនផ្លូវគោក មានរថយន្ត និងម៉ូតូចំនួន២,៣លានគ្រឿងបានចុះបញ្ជីក្នុងប្រទេសភូមា ក្នុងនោះមានរថយន្តចំនួន២៧៩.០៦៦គ្រឿងជាប្រភេទរថយន្តដឹកអ្នកដំណើរ រថយន្តដឹកទំនិញប្រមាណ៦៤.៨៨៨គ្រឿង រថយន្តប៊ើសឬរថយន្តក្រុងចំនួន២០.៩៤៤គ្រឿង ។ ចំណែកម៉ូតូមានចំនួន១,៩លានគ្រឿង នឹងមានយានជំនិះផ្សេងៗចំនួន៥៩.៦៦៥ទៀត៕
ចែករំលែកព័តមាននេះ