ប្រទេសអារ៉ាប៊ីសាអូឌីត ត្រៀមជាស្រេច ក្នុងការពង្រីកផលិតផលប្រេងរបស់ខ្លួន នេះបើតាមប្រសាសន៍លោករដ្ឋមន្ត្រីប្រេងរបស់ប្រទេស នេះ ក្នុងអំឡុងពេលដំណើរទស្សនកិច្ចនៅប្រទេសជប៉ុន ។ លោកបន្ថែមថា ប្រេងក្នុងពេលបច្ចុប្បន្នមានតម្លៃខ្ពស់ ។
លោក Ali Naimi ថ្លែងថា ប្រទេសអារ៉ាប៊ីសាអូឌីត បានលក់ចេញទៅកាន់ពិភពលោកចំនួន២,៥លានបារ៉ែលក្នុងមួយថ្ងៃ និងមានប្រេងបម្រុងទុក៨០ លានបារ៉ែល ។ យើងតែងតែបំពេញតម្រូវការតាមសំណើរបស់អតិថិជន ។ ពេលណាដែលមានសំណើ យើងនឹងពេញចិត្តធ្វើតាម ។ តម្លៃប្រេងនាពេលនេះពិតជាថ្លៃណាស់ ហើយគ្មានកន្លែងច្បាស់លាស់ថាពួកវាហូរចូលទីណា ។
ក្នុងទីផ្សារអាស៊ាន នៅថ្ងៃអង្គារ ទី៨ ឧសភា ប្រេងមានតម្លៃ៩៧,៧៣ដុល្លារ ក្នុងមួយបារ៉ែល រហូតមកដល់ថ្ងៃ១១ ឧសភា តម្លៃប្រេងធ្លាក់មកត្រឹម៩៦,២ដុល្លារក្នុងមួយបារ៉ែល ។លោក Naimi ថ្លែងថា OPEC ប្រហែលបង្កើនកម្រិតនៃការផលិតប្រេងរបស់ខ្លួនក្នុងកិច្ចប្រជុំនាខែក្រោយ។ អ្នកត្រូវតែរង់ចាំមើលកិច្ចប្រជុំនោះ ។ យើងនឹងពិភាក្សាពីបញ្ហានោះ ។
លោករដ្ឋមន្ត្រីប្រេងអារ៉ាប៊ីសាអូឌី Naimi បានជួបជាមួយលោករដ្ឋមន្ត្រីឧស្សាហកម្មជប៉ុន Yukio Edano ដែលបានសុំឲ្យមានការផ្គត់ផ្គង ប្រេងប្រកបដោយស្ថិរភាពសម្រាប់ប្រទេសជប៉ុន ។ ប្រទេសជប៉ុនពឹងផ្អែកទាំងស្រុងលើការនាំចូលប្រេងពីតំបន់មជ្ឈិមបូព៌ាបន្ទាប់ពីមានវិបត្តិរោងចក្រនុយក្លេអ៊ែរនៅខេត្ត Fukushima កាលពីឆ្នាំមុន ៕
ចែករំលែកព័តមាននេះ