គ្រោះអត់ឃ្លានក្នុងប្រទេសហ្វ៊ីលីពីន បានកើនឡើងជាប់កំណត់ត្រាក្នុងខែមីនា ស្របពេលមានរបាយការណ៍ក្រុមគ្រួសារហ្វ៊ីលីពីនកាន់តែច្រើនបង្ហាញថា ពួកគេអត់ឃ្លានអស់រយៈពេល៣ខែមកហើយ ។ នេះបើតាមការស្ទង់មតិរបស់វិទ្យាស្ថានស្រាវជ្រាវស្ថានីយបរិយាកាសសង្គម(SWS) ក្នុងប្រទេសហ្វ៊ីលីពីន ។
តាមលទ្ធផលនៃការស្ទង់មតិនៅទូទាំងប្រទេសចាប់ពីថ្ងៃទី១០ មីនា ដល់ថ្ងៃ១៣ មីនា បង្ហាញថា មានចំនួន២៣,៨ភាគរយឬស្មើនឹងប្រជាជនប្រមាណ៥លានគ្រួសារថា ពួកគេគ្មានអ្វីទទួលទានអស់រយៈពេល៣ខែកន្លងមកហើយ ។ចំនួនសមាមាត្រដែលឆ្លើយតបនឹងថា ខ្លួនអត់ ឃ្លានមានចំនួនច្រើនជាង២២,៥ភាគរយដែលជាកំណត់ត្រាកាលពីខែធ្នូ ឆ្នាំ២០១១។
SWS បង្ហាញថា តួលេខអ្នក អត់ឃ្លានខ្ពស់បំផុតកាលពីឆ្នាំ២០០៨មានចំនួន២៣ភាគរយ ។តាមការស្ទង់មតិរបស់ SWS ក៏បានបង្ហាញផងដែរថា កន្លែងដែលមានចំនួនខ្ពស់ គឺតំបន់Luzon ដែលមានប្រជាជនឆ្លើយថាអត់ឃ្លាន៣ខែមកហើយនោះចំនួន២៨ភាគរយ ។ចំណែកតំបន់រដ្ឋធានី មានប្រជាជនឆ្លើយថា ២៤,៣ភាគរយអត់ឃ្លាន។ វាជាចំនួនខ្ពស់ជាង២២ភាគរយនៃកំណត់ត្រាកាលពីត្រីមាសមុន ។
នៅភាគខាងជើងប្រទេសហ្វ៊ីលីពីនមានប្រជាជនប្រមាណ២៦,៧ភាគរយជួបគ្រោះអត់ឃ្លាន បីខែ គឺខ្ពស់ជាង៧ភាគរយធៀបជាមួយខែធ្នូ ដែលមានចំនួនអ្នកអត់ឃ្លាន១៩,៧ភាគរយ ។ប្រជាជនដែលមានចំនួនអត់ឃ្លានតិចក្នុងតំបន់កណ្តាលប្រទេសហ្វ៊ីលីពីនមានចំនួនត្រឹមតែ១០,៣ភាគរយប៉ុណ្ណោះ ។
តាមការស្ទង់មតិពីការអត់ឃ្លាននោះនាំឲ្យមានការចេញនូវការស្ទង់ចំនួនប្រជាជនក្រីក្រក្នុង ប្រទេសហ្វ៊ីលីពីនថា ប្រជាជនប្រមាណ១១,១លានគ្រួសារមានជីវភាពក្រីក្រ។ តួលេខខ្ពស់ជាងការព្យាករកាលពីខែធ្នូថា មានប្រជាជនក្រីក្រតែ៩,១លានគ្រួសារនោះ ៕
ចែករំលែកព័តមាននេះ