កំណើនសេដ្ឋកិច្ចប្រទេសឥណ្ឌូណេស៊ីកើនឡើង៦ភាគរយ ក្នុងអំឡុង៦ត្រីមាសព្រោះការវិនិយោគកើនឡើង ។ GDP បានកើនឡើង៦,៣ភាគរយក្នុងត្រីមាសទីមួយធៀបជាមួយឆ្នាំចាស់ដែលមាន ចំនួន៦,៤៩ភាគរយ នេះបើតាមរបាយការណ៍ការិយាល័យស្ថិតិ។ ធនាគារឥណ្ឌូណេស៊ីបានផ្អាកការកាត់បន្ថយអត្រាប្រាក់កម្ចី បន្ទាប់ពីទម្លាក់តម្លៃអត្រាប្រាក់កម្ចីក្នុងខែកុម្ភៈ ដើម្បីជួយទ្រទ្រង់សេដ្ឋកិច្ចអាស៊ីអាគ្នេយ៍ ស្របពេលវិបត្តិប្រាក់បំណុលអឺរ៉ុបគំរាមដល់តម្រូវការសម្រាប់ការនាំចេញរបស់អាស៊ី។
ការវិនិយោគឧស្សាហកម្មបានកើនឡើង៣២,៩ភាគរយក្នុងត្រីមាសទីមួយ ហើយសម្ពាធអតិផរណាបានកើនឡើង ព្រោះ តម្លៃប្រេងកើនឡើងខ្ពស់ដែលបង្ខំឲ្យរដ្ឋាភិបាល ត្រូវប្រកាន់យកវិធានការកាត់បន្ថយជំនួយថវិកាជាតិ ដែលអាចជំរុញឲ្យអត្រាតម្លៃប្រេងកើនឡើង ។
លោក Fred Gibson អ្នកសេដ្ឋកិច្ចនៃក្រុមហ៊ុន Moody’s Analytics ក្នុងទីក្រុងស៊ីដនីថ្លែងថា ផលចំណេញក្នុងវិស័យវិនិយោគ និងការចំណាយក្នុងប្រទេសបានបង្ហាញពីសញ្ញាវិជ្ជមានសម្រាប់សេដ្ឋកិច្ចជាតិ។ អត្រាការប្រាក់ប្រហែលរក្សានៅដដែលក្នុងខែខាងមុខ ស្របពេលធនាគារកណ្តាលសម្លឹងឃើញពីការកើនឡើង អតិផរណា ។
លោកប្រធានាធិបតី Susilo Bambang Yudhoyono មានផែនការពង្រីកសេដ្ឋកិច្ចតាម រយៈបង្កើនការចំណាយលើគម្រោងចាប់ពីប្រព័ន្ធដឹកជញ្ជូនដ៏ធំសម្បើមរហូតដល់រោងចក្រថាមពល និងកំពង់ផែ ដើម្បីកាត់បន្ថយភាពក្រីក្រនិងបង្កើនប្រាក់ចំណូល។ យុទ្ធសាស្ត្រនោះស្រដៀងនឹងលោកប្រធានាធិបតីហ្វ៊ីលីពីន Benigno Aquino ដែលបានព្យាករពីកំណើនសេដ្ឋកិច្ច ប្រទេសរបស់ខ្លួនយ៉ាងតិច៥,២ភាគរយ ក្នុងត្រី មាសទីមួយ ។
ការវិនិយោគបរទេសក្នុងប្រទេសឥណ្ឌូណេស៊ីកើនឡើងក្នុងត្រីមាសទីមួយលើវិស័យរ៉ែ ស្បៀងអាហារ និងដំណាំឧស្សាហកម្ម នេះបើតាមគណៈកម្មាធិការសម្របសម្រួលការវិនិយោគជាតិនិយាយកាលពីខែមុន។ ការវិនិយោគកើនឡើង៧១,២សែនកោដិរូពី ឬ៧,៧ពាន់លានដុល្លារក្នុងរយៈពេលបីខែគិតមកដល់ថ្ងៃទី៣១ មីនា ឆ្នាំ២០១២ ធៀបជាមួយឆ្នាំចាស់ ។
ស្របពេលកំណើនសេដ្ឋកិច្ចស្ថិតនៅលើ៦ភាគរយ នាំឲ្យសម្រាលដល់តម្រូវការកាត់បន្ថយអត្រាការប្រាក់បន្ថែម ខណៈអតិផរណាក្នុងរយៈពេល៧ខែ មានចំនួន៤,៥ភាគរយគិតត្រឹមខែមេសា ។ ធនាគារកណ្តាលឥណ្ឌូណេស៊ីប្រហែលជាត្រូវរក្សាអត្រាការប្រាក់ដដែល ។
លោកអនុប្រធានធនាគារកណ្តាលឥណ្ឌូណេស៊ី Halim Alamsyah និយាយថា សេដ្ឋកិច្ច ប្រទេសអាចកើនឡើងដល់៦,៣ទៅ៦,៥ភាគរយក្នុងត្រីមាសទីពីរ ។ តម្រូវការក្នុងស្រុកនៅតែ មានសន្ទុះខ្លាំងក្លា បើទោះជាមានការផ្លាស់ប្តូរគោលនយោបាយប្រេងក៏ដោយ ៕
ចែករំលែកព័តមាននេះ