ឧស្សាហកម្មកាត់ដេរកើនឡើងក្នុងរយៈពេល៣ខែចុងក្រោយនៃឆ្នាំនេះ
ដោយ ៖ អប្សរា
ថ្ងៃចន្ទ ទី៧ ខែមិថុនា ឆ្នាំ២០១០ ម៉ោង ១០:២៥
តាសោម
ទិដ្ឋភាពក្នុងរោងចក្រកាត់ដេរមួយកន្លែង
ខេត្ដព្រះសីហនុ ៖ បើទោះបីជាវិបត្ដិ សេដ្ឋកិច្ចពិភពលោកនៅពុំទាន់បញ្ចប់យ៉ាង ណាក្ដី ហើយមានសេចក្ដីរាយការណ៍ជាបន្ដ បន្ទាប់ឱ្យដឹងថា បណ្ដារោងចក្រ សហគ្រាស មួយចំនួនត្រូវបានបិទទ្វារ កម្មករពុំមានការ ងារធ្វើក្ដី នៅខេត្ដព្រះសីហនុ ឧស្សាហកម្ម កាត់ដេរបែរជាកើនឡើងគួរឱ្យកត់សំគាល់ បើគិតក្នុងរយៈពេល៣ខែចុងក្រោយក្នុងឆ្នាំ ២០១០នេះ ។ នេះជាការអះអាងបញ្ជាក់ របស់លោកយ៉ូវ ខេមរ៉ា ប្រធានមន្ទីរការងារ បណ្ដុះបណ្ដាលវិជ្ជាជីវៈខេត្ដព្រះសីហនុ ក្នុង ឱកាសទៅពិនិត្យសកម្មភាពផលិតកម្មក្នុង រោងចក្រកាត់ដេរសំលៀកបំពាក់លិនឌើ ស្ថិតនៅសង្កាត់លេខ១ ក្រុងព្រះសីហនុ។
លោកប្រធានមន្ទីរការងារខេត្ដព្រះ សីហនុបានលើកហេតុផលថា រោងចក្រលិន ឌើកាលពីជាង៣ខែមុនមានកម្មករ កម្មកា រិនីត្រឹមតែជាង៨០០នាក់ប៉ុណ្ណោះ ប៉ុន្ដែមក ដល់ខែឧសភា ឆ្នាំ២០១០ រោងចក្រមួយនេះ បានជ្រើសរើសកម្មករ កម្មការិនីបន្ថែមមាន រហូតដល់១.៨១៧នាក់ឯណោះ ដោយសារ ផលិតផលត្រូវបានបញ្ជាទិញពីក្រៅប្រទេសមានការកើនឡើង។ ក្រៅពីរោងចក្រនេះ នៅមានរោងចក្រមួយចំនួនទៀតក៏មាន សកម្មភាពមមាញឹកដូចគ្នា ទាំងការផលិត និងការជ្រើសរើសកម្មករ កម្មការិនីបន្ថែម ។
បច្ចុប្បន្នរោងចក្រកាត់ដេរនៅក្នុងខេត្ដព្រះ សីហនុមានចំនួន៧រោងចក្រពុំមានការ ប្រកាសបិទទ្វារធ្វើអាជីវកម្មឡើយ ដោយ ស្រូបយកកំលាំងពលកម្មពីបណ្ដាខេត្ដនានា និងខេត្ដព្រះសីហនុចំនួន៥.៨៦៨នាក់កំពុង ធ្វើការងារនៅតាមរោងចក្រទាំងនោះ ហើយ ទទួលបានប្រាក់ខែយ៉ាងតិច៧០ដុល្លារអាមេ រិកក្នុងមួយខែ ។ ក្រៅពីឧស្សាហកម្មកាត់ដេរ លោកប្រធានមន្ទីរការងារបណ្ដុះបណ្ដាលវិជ្ជាជីវៈខេត្ដព្រះសីហនុឱ្យដឹងផងដែរថា ខេត្ដ ព្រះសីហនុនៅមានតំបន់សេដ្ឋកិច្ចពិសេស ចំនួន៥ទៀត ហើយក្នុងនោះតំបន់សេដ្ឋកិច្ច មួយចំនួនកំពុងប្រតិបត្ដិការធ្វើអាជីវកម្មជា បណ្ដើរៗដែលអនាគតពលកររាប់ម៉ឺននាក់នឹងទទួលបានការងារធ្វើ ។
