រាជធានីភ្នំពេញ ៖ លោកអ៊ាង សុផល្លែត ជំនួយការសម្តេចអគ្គមហាសេនាបតីតេជោ ហ៊ុន សែន បានប្រាប់ក្រោយជំនួបសម្តែងការគួរសមពិភាក្សាការងារនារសៀលថ្ងៃទី៤ ឧសភា ២០១២ នៅអគារវិមានសន្តិភាពរវាងសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាជាមួយលោក ZHU XINQIANG អនុប្រធានធនាគារ EXIM BANK សាធារណរដ្ឋប្រជាមានិតចិន ថា ដោយសង្កេតឃើញសេដ្ឋកិច្ចកម្ពុជាកំពុងតែមានសក្តានុពលខ្ពស់ និងមានភាពរស់រវើក ក្នុងន័យនេះគឺជាកត្តាជំរុញឱ្យអ្នកវិនិយោគចិនយ៉ាងច្រើនមកកាន់ព្រះរាជាណាចក្រកម្ពុជា ។
លោក ZHU បានរាយការណ៍ជូនសម្តេចតេជោនាយករដ្ឋមន្ត្រី អំពីគម្រោងពីរដែលប្រព្រឹត្តទៅហើយគម្រោងទី១ គឺគម្រោងបង្កើតទូរទស្សន៍ Digital នៅក្នុងព្រះរាជាណាចក្រកម្ពុជាដែលក្រុមហ៊ុនមកវិនិយោគរួមជាមួយទូរទស្សន៍នៅក្នុងស្រុក ដើម្បីធ្វើឱ្យទំនើបភាវូបនីយកម្ម ប្រព័ន្ធទូរទស្សន៍ឱ្យក្លាយទៅជាទូរទស្សន៍ប្រព័ន្ធ Digetal មានប្រព័ន្ធ Internet រួមទាំងមានប្រព័ន្ធទូរស័ព្ទនៅក្នុងនោះផង ។ គម្រោងទី២ គឺជាគម្រោងធ្វើរោងចក្រស្លដែកនៅក្នុងព្រះរាជាណាចក្រកម្ពុជាតាមរយៈការនាំចូលវត្ថុធាតុដើមពីប្រទេសក្រៅយកទៅផលិត ដើម្បីបម្រើទីផ្សារនៅក្នុងព្រះរាជាណាចក្រកម្ពុជាផង និងទីផ្សារនៅក្នុងតំបន់ផង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ