ក្រុងប៉ោយប៉ែត ៖ ក្មេងប្រុសម្នាក់បន្ទាប់ពីបាត់ខ្លួនមួយយប់ត្រូវបានគេប្រទះឃើញសពអណ្តែតទឹកក្នុងទឹកដីថៃ កាលពីវេលាម៉ោង៧ព្រឹកថ្ងៃទី៥ ឧសភា ២០១២ ជិតផ្សារលុងក្លឿ ស្រុកអារញ្ញ ខេត្តស្រះកែវ ហើយត្រូវភាគីថៃបញ្ជូនសពមកឱ្យឪពុកម្តាយតាមច្រកទ្វារអន្តរជាតិប៉ោយប៉ែត ។
សពក្មេងរងគ្រោះឈ្មោះលឹម សុខហេង អាយុ១១ឆ្នាំ មានទីលំនៅភូមិក្បាលស្ពាន១ សង្កាត់ប៉ោយប៉ែតក្រុងប៉ោយប៉ែត ។ សពក្មេងរងគ្រោះត្រូវបានគេប្រទះឃើញអណ្តែតទឹកក្នុងស្រះក្បែរភូមិថៃ ជិតផ្សារលុងក្លឿ ក្រោយពីបាត់ខ្លួនមួយយប់ ។ តាមស្ត្រីជាម្តាយឈ្មោះវ៉ាន់ ធារី អាយុ៤៤ឆ្នាំ ប្រាប់ថា កូនប្រុសរបស់គាត់បានបាត់ខ្លួនកាលពីវេលាម៉ោងប្រហែល១១ព្រឹកថ្ងៃទី៤ ឧសភា ២០១២ បន្ទាប់ពីប្រាប់គាត់ថា សុំទៅរៀនភាសាអង់គ្លេសដឹងអីគេទៅរើសអេតចាយហើយទៅលេងទឹកអញ្ចឹងសោះ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ