ក្រុមហ៊ុនតូយ៉ូតា បង្ហាញពីប្រាក់ចំណូលពេញមួយឆ្នាំរបស់ខ្លួនថា មានចំនួន៣៥០ពាន់លានយ៉េន គឺកើនឡើងប្រហែលជិត៣០ភាគរយ តែសេចក្តីប្រកាសនឹងធ្វើឡើងនៅសប្តាហ៍បន្ទាប់។
សារព័ត៌មានប្រចាំថ្ងៃ Nikke និយាយថា ប្រាក់ចំណូលរបស់ក្រុមហ៊ុនតូយ៉ូតាក្នុងមួយឆ្នាំគិតមកដល់ថ្ងៃទី៣១ មីនា គឺលើសពីចំនួន២៧០ពាន់លានយ៉េន ដែលបានព្យាករកាលពីខែកុម្ភៈ ដោយសារការលក់ចេញខ្លាំង និងអត្រាប្រាក់យ៉េនកាលពីខែកន្លងទៅ ។ ក្រុមហ៊ុនក៏បានកំណត់គោលដៅប្រាក់ចំណូលប្រចាំឆ្នាំក្នុងរង្វង់ពី៨០០ទៅ៩០០ពាន់លានយ៉េន ។
បើទោះជាប្រាក់ចំណូលមានការកើនឡើងខ្ពស់ក្តីតែតួលេខពន្ធឆ្នាំ២០១១នឹងធ្លាក់ចុះ២៥ភាគរយ ព្រោះក្រុមហ៊ុនតូយ៉ូតាកាត់បន្ថយការផលិតរបស់ខ្លួនដោយសារគ្រោះរញ្ជួយដីនិងរលកយក្សស៊ូណាមី ក្នុងប្រទេសជប៉ុន និងគ្រោះទឹកជំនន់ក្នុងប្រទេសថៃ ។
រថយន្តក្រុមហ៊ុនតូយ៉ូតាដែលឡើងខ្ពស់ធៀបជាមួយប្រាក់ដុល្លារហើយចាប់ផ្តើមធូរស្រាលនៅខែកុម្ភៈ និងមីនា បានជួយផ្តល់ផលចំណេញក្នុងការនាំចេញយ៉ាងច្រើន ៕
ចែករំលែកព័តមាននេះ