រដ្ឋាភិបាលចិន បានអំពាវនាវឱ្យមានការចាប់អារម្មណ៍កាន់តែខ្លាំងក្នុងការបង្កើនការនាំចូលស្របពេលមានស្ថិរភាពក្នុងការនាំចេញដើម្បីលើកកម្ពស់តុល្យភាពបន្ថែមទៀត និងធានាកំណើនសេដ្ឋកិច្ចក្នុងវិស័យពាណិជ្ជកម្មក្រៅប្រទេស ។
រដ្ឋាភិបាលចិន បានអំពាវនាវឱ្យមានការចាប់អារម្មណ៍កាន់តែខ្លាំងក្នុងការបង្កើនការនាំចូលស្របពេលមានស្ថិរភាពក្នុងការនាំចេញដើម្បីលើកកម្ពស់តុល្យភាពបន្ថែមទៀត និងធានាកំណើនសេដ្ឋកិច្ចក្នុងវិស័យពាណិជ្ជកម្មក្រៅប្រទេស ។
ដើម្បីបញ្ជាក់ឱ្យបានច្បាស់ពីការលើកកម្ពស់ការនាំចូល ក្រុមប្រឹក្សារដ្ឋចិន បាននិយាយក្នុងគេហទំព័ររបស់ខ្លួនថា ប្រទេសចិននឹងមានស្ថិរភាពក្នុងការនាំចូលបន្ថែមទៀតលើវិស័យបច្ចេកវិទ្យា និងសម្ភារ រួមផ្សំនឹងវត្ថុធាតុដើម និងរ៉ែ ។
ការបង្កើនការនាំចូល និងការអភិវឌ្ឍតុល្យភាពនៃពាណិជ្ជកម្មនឹងជួយសម្រាលសម្ពាធក្នុងស្រុកសម្រាប់វត្ថុធាតុដើម និងវិស័យបរិស្ថាន ពន្លឿនការកែច្នៃថ្មីលើវិស័យបច្ចេកទេសនិងវិទ្យាសាស្ត្រ ពង្រីកចំនួនអ្នកប្រើប្រាស់និងកាត់បន្ថយការប៉ះទង្គិចនៃពាណិជ្ជកម្ម ។
ប្រទេសចិនក្លាយជាប្រទេសនាំចូលធំបំផុតក្នុងពិភពលោក ហើយក្លាយជាប្រទេសនាំចេញធំបំផុតក្នុងពិភពលោកចាប់តាំងពីឆ្នាំ២០០៩ ដោយដណ្តើមពីប្រទេសអាលឺ្លម៉ង់ ។ គោលដៅកំណើនពាណិជ្ជកម្មក្រៅប្រទេសប្រចាំឆ្នាំ២០១២នេះគឺ១០%និងពង្រីកតុល្យភាពអន្តរជាតិនៃការចំណាយរបស់ខ្លួន ដែលធ្លាក់ចុះ២២,៥ភាគរយ កាលពីឆ្នាំមុន ពេលការនាំចេញនិងនាំចូលឡើងដល់៣,៦៤សែនកោដិដុល្លារ ។
ប្រទេសចិនមើលឃើញថា ពាណិជ្ជកម្មរបស់ខ្លួនក្នុងត្រីមាសទីមួយមានចំនួនលើសពី៦៧០លានដុល្លារ ហើយការនាំចូលមានចំនួន១៦០,៣១ពាន់លានដុល្លារ ។ ក្នុងត្រីមាសទីមួយ ការនាំចូលនិងការនាំចេញរបស់ប្រទេសចិនកើនឡើង៧,៣ភាគរយ ធៀបនឹងឆ្នាំចាស់ គឺកើនឡើងដល់៨៥៩,៣៧ពាន់លានដុល្លារ ។ ចំណែកកាលពីឆ្នាំ២០១១ មានកំណើនខ្ពស់ជាងឆ្នាំ២០១២ ដល់ទៅ២២,៣ភាគរយ ។
ប្រទេសចិននឹងលើកកម្ពស់ការនាំចូលពីប្រទេសមានការអភិវឌ្ឍតិច តាមរយៈច្បាប់ពាណិជ្ជកម្មពាក់ព័ន្ធមួយចំនួនដូចជាកាត់បន្ថយរបាំងពន្ធគយឱ្យបានឆាប់រហ័ស ហើយនឹងពង្រីកការនាំចូលពីប្រទេសអភិវឌ្ឍន៍ ។ ប្រទេសចិននឹងទម្លាក់របាំងពន្ធនាំចូលលើវត្ថុធាតុដើមមួយចំនួន រ៉ែ និងសម្ភារប្រើប្រាស់ប្រចាំថ្ងៃ ៕
ចែករំលែកព័តមាននេះ