ខេត្តតាកែវ ៖ កាលពីថ្ងៃទី២៩ មេសា ក្រុមហ៊ុនស្រាបៀរអង្គរសាខាខេត្តតាកែវ បាននាំយកសម្ភារសិក្សាមួយចំនួនធំទៅចែកជូនដល់អនុវិទ្យាល័យវត្តអង្គសីមា ស្ថិតនៅឃុំសំរោង ស្រុកត្រាំកក់។ ពិធីផ្តល់អំណោយសម្ភារសិក្សានេះ ប្រារព្ធធ្វើក្រោមអធិបតីភាព
ខេត្តតាកែវ ៖ កាលពីថ្ងៃទី២៩ មេសា ក្រុមហ៊ុនស្រាបៀរអង្គរសាខាខេត្តតាកែវ បាននាំយកសម្ភារសិក្សាមួយចំនួនធំទៅចែកជូនដល់អនុវិទ្យាល័យវត្តអង្គសីមា ស្ថិតនៅឃុំសំរោង ស្រុកត្រាំកក់។ ពិធីផ្តល់អំណោយសម្ភារសិក្សានេះ ប្រារព្ធធ្វើក្រោមអធិបតីភាពលោកច័ន្ទ សារុន រដ្ឋមន្ត្រីក្រសួងកសិកម្មរុក្ខាប្រមាញ់ និងនេសាទដោយមានការចូលរួមពីតំណាងក្រុមហ៊ុនស្រាបៀរអង្គរ លោកហ៊ុយ ឈុនលាង និងអ្នកស្រីលី គឹមហាវ ប្រធានដេប៉ូស្រាបៀរអង្គរខេត្ត លោកសំ វិបុល តំណាងក្រុមហ៊ុនស្រាបៀរអង្គរប្រចាំខេត្ត ព្រមទាំងអាជ្ញាធរស្រុក សិស្សានុសិស្ស និងប្រជាពលរដ្ឋយ៉ាងច្រើនកុះករ ។
អ្នកស្រីលី គឹមហាវ ប្រធានដេប៉ូស្រាបៀរអង្គរប្រចាំខេត្តបានឱ្យដឹងថា ក្នុងមួយឆ្នាំម្តងក្រុមហ៊ុនស្រាបៀរអង្គរជួយឧបត្ថម្ភសម្ភារសិក្សាដល់វិទ្យាល័យក៏ដូចជាអនុវិទ្យាល័យនៅក្នុងស្រុកត្រាំកក់នេះ ដើម្បីជួយសម្រាលការខ្វះខាតរបស់សាលាបានមួយផ្នែកផងដែរ ។ ចំណែកសម្ភារចម្រុះដែលនាំមកផ្តល់ជូនអនុវិទ្យាល័យវត្តអង្គសីមានាពេលនេះមាន សៀវភៅគ្រប់មុខវិជ្ជាចំនួន៤.១៨២ក្បាល សម្រាប់តម្កល់ទុកក្នុងសាលា កាបូបដាក់សៀវភៅ១.៥៣៥ កាបូបដាក់ប៊ិច១.៥៣៥ ប៊ិច៣.០៧០ដើម ខ្មៅដៃ៣.០៧០ ដើម គូល័រសម្រាប់ផាត់១.៥៣៥ប្រអប់ បន្ទាត់១.៥៣៥ ជ័រលុប១.៥៣៥ដុំ សៀវភៅសរសេរ៧.៦៧៥ក្បាល សៀវភៅរឿងព្រេង៥០០ក្បាល និងទឹកក្រូច១៨៤កេស ។
លោកគ្រូ អ្នកគ្រូ ក៏ដូចជាសិស្សានុសិស្ស អនុវិទ្យាល័យវត្តអង្គសីម៉ាទាំងអស់បានថ្លែងអំណរគុណដល់ក្រុមហ៊ុនស្រាបៀរអង្គរដែលបានឧបត្ថម្ភជាសម្ភារសិក្សាដល់សាលាដែលកំពុងតែខ្វះខាតនាពេលនេះ និងសូមឱ្យក្រុមហ៊ុនស្រាបៀរអង្គរមានអតិថិជនគាំទ្រកាន់តែច្រើនឡើងៗ ។
លោកច័ន្ទ សារុន រដ្ឋមន្ត្រីក្រសួងកសិកម្មរុក្ខាប្រមាញ់និងនេសាទមានប្រសាសន៍ថា ស្រាបៀរអង្គរជាស្រាបៀរជាតិបានឧបត្ថម្ភជួយរាជរដ្ឋាភិបាលយ៉ាងច្រើនក្នុងការអភិវឌ្ឍប្រទេសជាតិរបស់យើង។ ទន្ទឹមនឹងការចូលរួមចំណែកជួយឧបត្ថម្ភរបស់ក្រុមហ៊ុនស្រាបៀរអង្គរនោះ សូមឱ្យក្មួយៗខិតខំរៀនសូត្រឱ្យបានពូកែ ដើម្បីជាចំណេះដឹងក្នុងការស្វែងរកការងារធ្វើសម្រាប់ចិញ្ចឹមជីវិតទៅថ្ងៃអនាគត។
លោករដ្ឋមន្ត្រីបានបន្តទៀតថា បងប្អូន លោកតា លោកយាយ សិស្សានុសិស្ស បានដឹងហើយថា ប្រទេសជាតិយើងមានគណបក្សប្រជាជនកម្ពុជា តែមួយគត់ ដែលស្គាល់ពីសុខទុក្ខរបស់បងប្អូន ទីណាមានការលំបាករបស់ប្រជាពលរដ្ឋ ទីនោះមានក្រុមការងារគណបក្សប្រជាជនកម្ពុជាចុះជួយជានិច្ច ៕
ចែករំលែកព័តមាននេះ