ខេត្តកំពង់ធំ ៖ សិស្សមកពីវិទ្យាល័យចំនួន២ក្នុងខេត្តកំពង់ធំដែលបានបញ្ចប់ការបណ្តុះបណ្តាលវគ្គជំនាញកុំព្យូទ័រ ត្រូវបានរៀបចំពិធីចែកសញ្ញាបត្រ កាលពីថ្ងៃទី១ ឧសភា ២០១២ ក្រោមអធិបតីភាពលោកថោង ខុន រដ្ឋមន្ត្រីក្រសួងទេសចរណ៍ ។
ខេត្តកំពង់ធំ ៖ សិស្សមកពីវិទ្យាល័យចំនួន២ក្នុងខេត្តកំពង់ធំដែលបានបញ្ចប់ការបណ្តុះបណ្តាលវគ្គជំនាញកុំព្យូទ័រ ត្រូវបានរៀបចំពិធីចែកសញ្ញាបត្រ កាលពីថ្ងៃទី១ ឧសភា ២០១២ ក្រោមអធិបតីភាពលោកថោង ខុន រដ្ឋមន្ត្រីក្រសួងទេសចរណ៍ ។
តាមរបាយការណ៍លោកគង់ សុភារក្ស គណៈគ្រប់គ្រងវគ្គសិក្សា និងជាប្រធាននាយកដ្ឋានស្ថិតិ និងព័ត៌មានទេសចរណ៍ឱ្យដឹងថា សិស្សទាំង៨១នាក់ នោះមកពីវិទ្យាល័យទ្រៀល និងវិទ្យាល័យតេជោហ៊ុន សែន បារាយណ៍ ។ វគ្គបណ្តុះបណ្តាលកុំព្យូទ័រថ្នាក់បឋមនេះ គឺមានការឧបត្ថម្ភគាំទ្រទាំងសម្ភារ និងស្មារតីពីលោកថោង ខុន រដ្ឋមន្ត្រីក្រសួងទេសចរណ៍ ។
វគ្គ និងមានសិស្សសិក្សាចំនួន២៦២នាក់ ក្នុងនោះស្រី១៣៤នាក់ ។ វគ្គបណ្តុះបណ្តាលនីមួយៗមានរយៈពេល៣ខែ ហើយមួយថ្ងៃសិក្សា១ម៉ោងកន្លះ ។ ចំណែកកុំព្យូទ័រសម្រាប់ការបណ្តុះបណ្តាលគឺមានចំនួន២២គ្រឿង ។ថ្លែងក្នុងឱកាសនោះ លោករដ្ឋមន្ត្រីថោង ខុន បានកោតសរសើរចំពោះគណៈគ្រប់គ្រងវគ្គបណ្តុះបណ្តាល និងសិស្សានុសិស្ស ដែលបានយកចិត្តទុកដាក់ក្នុងការសិក្សារហូតទទួលបានលទ្ធផលល្អប្រសើរ ។ ការសិក្សាកុំព្យូទ័រមានសារសំខាន់ណាស់សម្រាប់សិស្សទាំងអស់គ្នាដែលនឹងឆ្ពោះទៅស្វែងរកការងារធ្វើនាពេលខាងមុខ ។
លោករដ្ឋមន្ត្រីបានផ្តាំផ្ញើដល់សិស្សទាំងអស់ឱ្យឧស្សាហ៍ព្យាយាមក្នុងការរៀនសូត្រដើម្បីអនាគតភ្លឺស្វាង ហើយចៀសវាងឱ្យផុតអំពីអបាយមុខផ្សេងៗ សំខាន់ចៀសឱ្យឆ្ងាយពីគ្រឿងញៀនដែលនឹងបង្កគ្រោះថ្នាក់ដល់អនាគតរបស់ខ្លួន ។ ទន្ទឹមនោះ លោកបានលើកឡើងអំពីការអភិវឌ្ឍប្រទេសជាតិ លើគ្រប់វិស័យ ក្រោមការដឹកនាំប្រកបដោយគតិបណ្ឌិតនិងឈ្លាសវៃរបស់សម្តេចតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលបញ្ហាទាំងអស់នោះ នឹងបង្កលក្ខណៈឱកាសសម្រាប់សិស្សទាំងអស់ដែលជាសសរទ្រូងប្រទេសជាតិ ក្នុងការកសាងជីវិត កសាងអនាគតប្រកបដោយភាពថ្លៃថ្នូរ និងសម្បូររុងរឿង ៕
ចែករំលែកព័តមាននេះ