ខេត្តពោធិ៍សាត់ ៖ សាខាកាកបាទក្រហមកម្ពុជាខេត្ត បាន ប្រារព្ធទិវាពិភពលោកកាកបាទក្រហម អឌ្ឍចន្ទក្រហម ៨ឧសភា ខួបលើកទី១៤៩ ក្រោមប្រធានបទ«យុវជនកំពុងនាំគ្នាធ្វើសកម្មភាព» កាលពីរាត្រីថ្ងៃទី២៧ មេសា ២០១២ នៅស្នាក់ការសាខាកាកបាទក្រហម ខេត្តពោធិ៍សាត់ ។
ពិធីនេះប្រព្រឹត្តទៅដោយមានការអញ្ជើញចូលរួមពីលោកបណ្ឌិតឧកញ៉ាជា រតនា ទីប្រឹក្សារាជរដ្ឋាភិបាល និងលោកជំទាវលី ហៀក រតនា, លោកថៃ នរសត្យា រដ្ឋលេខាធិការក្រសួងវប្បធម៌និងវិចិត្រសិល្បៈ លោកសួន រិនឌី អភិបាលខេត្តស្តីទី និងជាប្រធានគណៈកម្មាធិការសាខាកាកបាទក្រហមកម្ពុជាខេត្ត និងសប្បុរសជនគ្រប់លំដាប់ថ្នាក់ជាច្រើនរូបទៀត ។
លោកសួន រិនឌី មានប្រសាសន៍ថា ទិវាពិភពលោកកាកបាទក្រហម អឌ្ឍចន្ទក្រហម ៨ឧសភា ជាការរំលឹកខួបក្រោមគំនិតផ្តួចផ្តើមរបស់ស្ថាបនិកមួយរូបជាពាណិជ្ជ ករជនជាតិស្វ៉ីស ហើយចលនានេះបានចាប់បដិសន្ធិតាំងពីឆ្នាំ១៨៦៣មកម៉្លេះ រហូតមកដល់ពេលនេះ មានអាយុកាល១៤៩ឆ្នាំហើយ ។ ក្នុងរាត្រីសមោសរកាកបាទក្រហមនេះ គណៈកម្មាធិការសាខាកាកបាទក្រហមខេត្ត ប្រមូលបានថវិកាចំនួន៩៤.៤១០ដុល្លារផងដែរ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ