ខេត្តសៀមរាប ៖ មុង ភួយ សារុង ក្រមា កន្ទេល សា្លបព្រា ចាន ឆាំ្នង ធុងជ័រដាក់ទឹក កៅស៊ូតង់ និងអង្ករជាអំណោយសង្គ្រោះបនា្ទន់ ត្រូវមន្ត្រីក្រុមការងារនៃប្រតិភូសាខាកាកបាទក្រហមកម្ពុជាខេត្តសៀមរាបនាំយកទៅចែកជូនដល់គ្រួសារប្រជាពលរដ្ឋដែលរងគ្រោះដោយសារខ្យល់ព្យុះរលំបាក់ផ្ទះចំនួន៦៥គ្រួសារក្នុង១៣ភូមិ ឃុំចំនួន៥របស់ស្រុកចំនួន២ កាលពីព្រឹកថ្ងៃទី២៨ មេសា ។
ពិធីផ្តល់អំណោយសង្គ្រោះបនា្ទន់នេះនៅទីបរិវេណនៃសាលាឃុំសា្វយចេក ស្រុកអង្គរធំ និងនៅបរិវេណវត្តសា្វយដង្គំ ស្រុកពួកក្រោមអធិបតីភាពលោកប៊ុន ថារិទ្ធ អភិបាលរងខេត្តព្រមទាំងមានការចូលរួមពីអស់លោក លោកស្រីជាថា្នក់ដឹកនាំពាក់ព័ន្ធជាច្រើនរូបទៀត។
យោងតាមរបាយការណ៍របស់សាខាកាកបាទក្រហមកម្ពុជាខេត្ត ស្តីពីសា្ថនភាពគ្រួសាររងគ្រោះដោយខ្យល់ព្យុះរលំបាក់ផ្ទះឱ្យដឹងថា នៅក្នុងភូមិចំនួន៥គឺ ១-ភូមិគោកកក ២- ភូមិសា្វយចេក ៣-ភូមិកណ្តោល ៤-ភូមិតាត្រាវ ៥-ភូមិបុស្សតាត្រាវ ក្នុងឃុំសា្វយចេក របស់ស្រុកអង្គរធំនាលា្ងចថ្ងៃទី២១ មេសា ឆាំ្ន ២០១២ មានប្រជាពលរដ្ឋចំនួន៣២គ្រួសារ ទទួលរងផលប៉ះពាល់ដោយសារគ្រោះធម្មជាតិខ្យល់ព្យុះបោកដួលរលំបាក់ផ្ទះនិងរបើកដំបូល ។
របាយការណ៍ដដែលឱ្យដឹងថា នៅថ្ងៃទី២១ដល់២៣ មេសា ឆាំ្ន២០១២ នៅក្នុងភូមិចំនួន៨គឺ ១-ភូមិតាស្នែ ២-ភូមិដូនកែវ ៣-ភូមិត្នោតជ្រំ ៤-ភូមិល្បើក ៥-ភូមិសំបួរ ៦-ភូមិក្បាលក្រពើ ៧-ភូមិសា្វយ ៨-ភូមិសូនសារ ក្នុងមូលដា្ឋនឃុំចំនួន៤គឺ ១-ឃុំដូនកែវ ២-ឃុំ
រើល ៣-ឃុំសសរស្តម្ភ ៤-ឃុំយាងរបស់ស្រុកពួក មានប្រជាពលរដ្ឋចំនួន៣៣គ្រួសារទទួលរងផលប៉ះពាល់ដោយសារខ្យល់ព្យុះបោកបក់រលំបាក់ផ្ទះ និងរបើកដំបូល ។
លោកប៊ុន ថារិទ្ធ អភិបាលរងខេត្តមានប្រសាសន៍ថា ការនាំយកអំណោយសង្គ្រោះបនា្ទន់របស់សាខាកាកបាទក្រហមកម្ពុជាខេត្តទៅចែកជូននោះ គឺធ្វើឡើងបនា្ទប់ពីក្រុមគ្រួសាររបស់បងប្អូនប្រជាពលរដ្ឋក្នុងតំបន់មូលដា្ឋនស្រុកទាំងពីរទទួលរងគ្រោះដោយសារខ្យល់ព្យុះបោកបក់ដួលរលំបាក់ផ្ទះដែលកើតឡើងក្នុងអំឡុងចុងខែមេសាថ្មីៗនេះ។ អំណោយទាំងនោះគឺទទួលបានមកពីបណ្តាសប្បុរសជនជិតឆា្ងយនានាក្នុង និងក្រៅខេត្តចូលរួមឧបត្ថម្ភតាមរយៈសាខាកាកបាទក្រហមកម្ពុជាខេត្ត ហើយបែងចែកផ្តល់ជូនឱ្យដល់បងប្អូននៃក្រុមគ្រួសាររងគ្រោះទាំអស់នាព្រឹកថ្ងៃទី២៨ មេសា ។ អ្នករលំបាក់ផ្ទះនៅក្នុងស្រុកអង្គរធំចំនួន១៤គ្រួសារក្នុងមួយគ្រួសារទទួលបានមុង១ ភួយ១ សារុង១ ក្រមា១ កន្ទេល១ សា្លបព្រា៥ ចាន៥ ឆាំ្នង១ កៅស៊ូតង់១ និងអង្ករចំនួន២៥គីឡូក្រាម។ អ្នករបើកដំបូល១៨គ្រួសារ ក្នុងមួយគ្រួសារទទួលបានមុង១ ភួយ១ សារុង១ ក្រមា១ កន្ទេល១ សា្លបព្រា៥ ចាន៥ ឆាំ្នង១និងអង្ករចំនួន២៥គីឡូក្រាម។
អ្នករលំបាក់ផ្ទះនៅក្នុងស្រុកពួកចំនួន២៤គ្រួសារ ក្នុងមួយគ្រួសារទទួលបានមុង១ ភួយ១ សារុង១ ក្រមា១ កន្ទេល១ សា្លបព្រា៥ ចាន៥ ឆាំ្នង១ ធុងជ័រដាក់ទឹក២ អង្ករចំនួន២៥គីឡូក្រាម។ អ្នករបើកដំបូល៩គ្រួសារ ក្នុងមួយគ្រួសារទទួលបានមុង១ ភួយ១ សារុង១ ក្រមា១ កន្ទេល១ សា្លបព្រា៥ ចាន៥ ឆាំ្នង១ និងអង្ករចំនួន២៥គីឡូក្រាមដូចគា្ន ៕
ចែករំលែកព័តមាននេះ