ខេត្តសៀមរាប ៖ សម្ភារគ្រឿងឧបភោគបរិភោគ រួមមាន មុង ភួយ សារុង ក្រមា កន្ទេល ស្លាបព្រា ចាន ឆ្នាំង ធុងជ័រដាក់ទឹក កៅស៊ូតង់ និងអង្ករសរុបចំនួន១១មុខ ជាអំណោយសង្គ្រោះបន្ទាន់ត្រូវបានមន្ត្រីក្រុមការងារសាខាកាកបាទក្រហមកម្ពុជាខេត្តនាំយកទៅចែកជូនដល់គ្រួសារប្រជាពលរដ្ឋដែលរងគ្រោះដោយសារខ្យល់ព្យុះរលំបាក់ផ្ទះចំនួន៦៥គ្រួសារ ស្មើនឹង១៣ ភូមិក្នុងឃុំចំនួន៥របស់ស្រុកចំនួន២ កាលពីព្រឹកថ្ងៃទី២៨ មេសា កន្លងទៅ ។
ពិធីចែកអំណោយនេះធ្វើឡើងនៅក្នុងបរិវេណសាលាឃុំស្វាយចេក ក្នុងស្រុកអង្គរធំ និងនៅក្នុងបរិវេណវត្តស្វាយដង្គំក្នុងស្រុកពួក ក្រោមអធិបតីភាពលោកប៊ុន ថារិទ្ធ អភិបាលរងខេត្ត ដោយមានការចូលរួមពីសំណាក់អស់លោក លោកស្រី ថ្នាក់ដឹកនាំពាក់ព័ន្ធជាច្រើនរូបទៀត ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ