មជ្ឈមណ្ឌលឧតុនិយមជាតិចិនគូសបញ្ជាក់កាលពីថ្ងៃទី២៩មេសាថាព្យុះនានានឹងវាយប្រហារភាគ ខាងត្បូងចិនរយៈពេល២ថ្ងៃខាងមុខនេះទៀត ។
មជ្ឈមណ្ឌលនោះគូសបញ្ជាក់ថា ព្យុះទាំងឡាយនិងភ្លៀងធ្លាក់ខ្លាំងនឹងកើតមានក្នុងតំបន់មួយចំនួននៃខេត្តហ៊ូណាន់ យ៉ាងស៊ី ហ្វូជាន និងហ្សេយ៉ាង ព្រមទាំងក្នុងតំបន់ស្វយ័ត ហ្ស៊ូអាង ខេត្តហ្គង់ស៊ី ក្នុងប៉ុន្មានម៉ោងខាងមុខនេះ ហើយអាចនាព្រឹកថ្ងៃទី៣០មេសា។ តំបន់មួយចំនួនអាចមានភ្លៀងធ្លាក់ខ្លាំងបំផុតហើយអាជ្ញាធរមូលដ្ឋានបានស្នើឱ្យពង្រឹងការត្រួតពិនិត្យទប់ទល់នឹងគ្រោះមហន្តរាយនានាដូចជាទឹកជំនន់និងការបាក់ដីជាដើម ។
មជ្ឈមណ្ឌលឧតុនិយមជាតិចិនព្យាករណ៍ថា ថ្ងៃទី៣០មេសា និងថ្ងៃទី១ឧសភា ភ្លៀងធ្លាក់ខ្លាំងឬព្យុះ នឹងអាចវាយប្រហារលើតំបន់មួយចំនួននាភាគខាងត្បូងប្រទេស ៕
ចែករំលែកព័តមាននេះ