រាជធានីភ្នំពេញ ៖ ហាងដៃគូទំនើបរបស់ Samsung មួយទៀតគឺ Khmer Leader Distribution (KLD) កាលពីថ្ងៃទី២៦ មេសា កន្លងទៅនេះ បានបើកសម្ពោធស្នាក់ការថ្មីដែលមានអាសយដ្ឋានស្ថិតនៅអគារលេខ៤៨ មហាវិថីម៉ៅសេទុង ទល់មុខមជ្ឈមណ្ឌលម៉ុងឌីយ៉ាល់ជាផ្លូវការ ដោយមានការចូលរួមពីសំណាក់ថ្នាក់ដឹកនាំគ្រប់ជាន់ថ្នាក់របស់ Samsung, KLD,ហាងចែកចាយបន្ត ព្រមទាំងក្រុមអ្នកសារព័ត៌មានសរុបចំនួន១១០នាក់ ។
ក្នុងឱកាសបើកសម្ពោធនោះ លោកហ្គីហានលី នាយកចាត់ចែងសាខាក្រុមហ៊ុនថៃSamsungអេឡិចត្រូនិកប្រចាំកម្ពុជាបានលើកឡើងថា «ដោយមើលឃើញពីការតាំងចិត្តដើម្បីសម្រេចគោលដៅរួមក្នុងការចូលរួមអភិវឌ្ឍន៍ ក៏ដូចជាពង្រីកទីផ្សារផលិតផល Samsung ក្នុងព្រះរាជាណាចក្រកម្ពុជា ដើម្បីតាមអោយទាន់ការលក់ដែលកើនឡើងខ្លាំងជាមួយនឹងកំណើន២ខ្ទង់ដោយទទួលបានការគាំទ្រពីសំណាក់អ្នកលក់ និងពេញនិយមពីសំណាក់អ្នកប្រើប្រាស់ ដែលជានិច្ចកាលស្វែងរកអ្វីដែលថ្មី ទំនើបឱ្យសមស្របទៅ នឹងជីវភាពទាន់សម័យ និងមនុស្សជំនាន់ថ្មីខ្ញុំសូមថ្លែងអំណរគុណយ៉ាងជ្រាលជ្រៅចំពោះហាងដៃគូទំនើបថ្មីថ្មោងដ៏មានសក្តានុពលរបស់យើងគឺ KLD »។
លោកនាយកចាត់ចែងរូបនេះក៏បានគូសបព្ជាក់ពីផែនការលក់ទូរស័ព្ទដៃរបស់ខ្លួនឱ្យបានច្រើនបំផុតជាងដៃគូប្រកួតប្រជែង ពោលគឺ អង្គុយកៅអីលេខ១នៅកំពូលតារាងត្រឹមចុងឆ្នាំ២០១២នេះ ។ មិនត្រឹមតែផែនការក្តាប់យកទីផ្សារទូរស័ព្ទប៉ុណ្ណោះទេ ប៉ុន្តែក្រុមហ៊ុនកំពុងនាំមុខលើផ្នែកបច្ចេកវិទ្យាទូរស័ព្ទដៃប្រចាំកម្ពុជាក៏ដូចជាពិភពលោកមួយនេះ ក៏បានចង្អុលបង្ហាញពីជំហរបន្តការវិនិយោគលើផ្នែកធនធានមនុស្សស្រាវជ្រាវអភិវឌ្ឍន៍ ការផ្សព្វផ្សាយពាណិជ្ជកម្ម ការពង្រីកការចែកចាយ ទំនាក់ទំនងសាធារណៈ មជ្ឈមណ្ឌលថែទាំ-ជួសជុល និងហាងទទួលយកជួសជុលឱ្យកាន់តែទូលំទូលាយទូទាំងប្រទេស ។
លោកអែម យុទ្ធូ ប្រធានទំនាក់ទំនងទីផ្សារ និងគ្រប់គ្រងការចែកចាយបាននិយាយថា គោលបំណងចម្បងនៃការបង្កើតហាងដៃគូទំនើប (Samsung Brand Shop) នេះ គឺដាក់បង្ហាញនូវ ផលិតផលទូរស័ព្ទជាមួយបចេ្ចកវិទ្យាចុងក្រោយទាន់សម័យ បម្រើសេវាកម្មល្អឥតខ្ចោះ គ្រឿងបន្លាស់ ឬបន្ថែមសម្បូរបែបការសាកល្បងប្រើជាមួយនឹងអ៊ីនធើរណេត ពោលគឺជាហាងទំនើបដូចនៅអារ្យប្រទេស ។ ក្រុមហ៊ុននឹងបង្កើតហាងបែបនេះបន្តទៀត ដើម្បីបង្កើន និងជំរុញនាមសញ្ញា ការដឹងជ្រួតជ្រាបកាន់តែច្បាស់ពីនាមសញ្ញា Samsung ជាមួយនឹងសកម្មភាពនិងយុទ្ធសាស្រ្តថ្មីៗដែលខ្លាំងនៅលើទីផ្សារថ្មីនេះ ។
ជាតួយ៉ាង ក្រុមហ៊ុនទទួលបានជោគជ័យយ៉ាងសម្បើមលើការដាក់លក់ផលិតផល GalaxyNote ដែលមានបច្ចេកវិទ្យាឈានមុខគេ និងផ្តាច់មុខលើប៊ិចដែលអាចសរសេរ និងផាត់ពណ៌បានលើអេក្រង់ នេះជាមូលហេតុនាំឱ្យ Samsung មានចំណែកទីផ្សារកើនឡើង យ៉ាងឆាប់រហ័សបំផុត។ ក្រុមហ៊ុនមានគម្រោងដាក់លក់ផលិតផលថ្មីៗទំនើបបន្ថែមទៀតដូចជា Galaxy SIII, Nexus, Beam ស្របពេលដែលប្រទេសធំៗចេញលក់ទន្ទឹមគ្នាក្នុងពេលតែមួយជាមួយនឹងព្រឹត្តិការណ៍ និងសកម្មភាពទីផ្សារដ៏ខ្លាំងពិធីសម្ពោធដ៏ធំកម្រមាន ។
កាលពីឆ្នាំ២០១១កន្លងទៅថ្មីៗនេះ បានក្តាប់ ចំណែកទីផ្សារលេខ១ស្ទួនលើបច្ចេកវិទ្យាចុងក្រោយទូរទស្សន៍(៦ឆ្នាំជាប់ៗគ្នា) និងទូរស័ព្ទ smart phone (ក្នុងឆ្នាំ២០១១) លើពិភពលោកជាមួយផលិតផលគុណភាពខ្ពស់បំពាក់ដោយបច្ចេកវិទ្យាចុងក្រោយ ។ មិនមែនមានតែប៉ុណ្ណឹងនៅមាន Tablet កុំព្យូទ័រម៉ូនីទ័រ,ទឹកថ្នាំសម្រាប់ម៉ាស៊ីនព្រីន,ទូរស័ព្ទដៃម៉ាស៊ីនត្រជាក់,ទូទឹកកក, ,ម៉ាស៊ីនបោកគក់ និងផលិតផលផ្សេងទៀតដែលមានការធានារយៈពេល១ឆ្នាំ ៕
ចែករំលែកព័តមាននេះ