ប្រទេសចិនកាលពីថ្ងៃទី២៩ មេសាបានបរិហារចំពោះពាក្យអះអាងរបស់ហ្វ៊ីលីនដែលថា នាវាចិនមួយគ្រឿងបានសម្លុតបំភ័យដល់បណ្តានាវាហ្វ៊ីលីពីន ដោយចាត់ទុកពាក្យអះអាងទាំងនេះថាជារឿងប្រឌិតសុទ្ធសាធមួយ ។
ដោយឆ្លើយតបចំពោះសំណួររបស់សារព័ត៌មានលោកLIU WEIMING អ្នកនាំពាក្យរបស់ក្រសួងការបរទេសចិននិយាយថា យោងតាមព័ត៌មាននានាផ្តល់ឱ្យដោយអាជ្ញាធរដែលទាក់ទិនថានាវាចិនឈ្មោះ YUZHENG-310 បានធ្វើការល្បាតក្នុងក្របខណ្ឌច្បាប់តាមដែនទឹកនៃកោះ HUANGYAN កាលពីព្រឹកថ្ងៃទី២៨មេសា ។
កាលពីថ្ងៃទី២៨ មេសាក្រសួងការបរទេសហ្វ៊ីលីពីននិយាយថា នាវាចិនមួយគ្រឿង បានមកក្បែរនាវាហ្វ៊ីលីពីនជាច្រើនគ្រឿងដោយបង្កឱ្យមានរលកធំៗកម្ពស់ដល់២ម៉ែត្រ ដើម្បីបន្លាចនាវាទាំងនោះ ។ អ្នកនាំពាក្យក្រសួងការបរទេសចិនបន្តថា កោះ HUANGYAN ជាផ្នែកមួយនៃបូរណភាពដែនដីរបស់ចិន ។ យើងសង្ឃឹមថា ភាគីហ្វ៊ីលីពីន នឹងបញ្ឈប់ការបង្កហេតុចំពោះរឿងនេះដើម្បីចៀសវាងកុំឱ្យមានការបំពុលរឿងនានាថែមទៀត៕
ចែករំលែកព័តមាននេះ