ប៉ូលិសរាយការណ៍ថាមនុស្ស៧នាក់ក្នុងនោះមានកុមារ៣នាក់បានត្រូវស្លាប់កាលពីថ្ងៃទី២៩មេសាពេលរថយន្តកាំមីញ៉ុងធុនតូចមួយគ្រឿងដែលរត់លើផ្លូវមួយនៅទីខ្ពស់នៃក្រុងញូវយ៉ក បានក្រឡាប់ធ្លាក់ពីកម្ពស់ជា៣០ម៉ែត្រមុនពេលធ្លាក់ក្នុងសួនសត្វ BRONX ។
ប៉ូលិសបញ្ជាក់ថា រថយន្តនេះរត់តាមផ្លូវ BRONX RIVER PARKWAY ហើយស្រាប់តែរេចង្កូតកាត់ផ្លូវបំបែកជា៤មុនពេលបុករបាំងសន្តិសុខ។ រថយន្តនេះក៏ធ្លាក់ពីទីខ្ពស់មកលើផ្លូវមួយនៃសួនសត្វ ។
ប៉ូលិសបានបើកការស៊ើបអង្កេតដើម្បីកំណត់មូលហេតុនៃគ្រោះថ្នាក់នេះដែលបណ្តាលឱ្យស្លាប់អ្នកដំណើរ៧នាក់ ។ជាមួយនឹងសត្វជាង៦០០ប្រភេទសួនសត្វBRONX ជាសួនសត្វក្នុងក្រុងធំជាងគេបំផុតនៃពិភពលោក ៕
ចែករំលែកព័តមាននេះ