ប៉ូលិសថៃទើបចាប់បានកញ្ឆា៣,៤៥តោនក្នុងខេត្តសារ៉ាប៊ូរីភាគខាងកណ្តាលថៃ ។ នេះជាចំនួនកញ្ឆាដ៏ច្រើនពុំធ្លាប់ចាប់បាននៅថៃ។ កញ្ឆាទាំងនេះដាក់ក្នុងប្រអប់ទាំងឡាយផ្ញើទៅកាន់អង់គ្លេស ។
បុរសម្នាក់ឈ្មោះនីប៉ុន យ៉ាបម៉ូប៉ាដ អាយុ៤៣ឆ្នាំ ត្រូវចាប់ខ្លួនជាមួយគ្រឿងញៀនទាំងនោះ ។ក្នុងសន្និសីទសារព័ត៌មានមួយប្រមុខប៉ូលិសខេត្តសារ៉ាប៊ូរីឧត្តមសេនីយ៍CHALIT PRECCHAHARN និយាយថា បុរសឈ្មោះនីប៉ុន បានសារភាពថារូបគេបានទទួលប្រាក់១០០.០០០បាត (៣.៣០០ដុល្លារ) ដើម្បីបញ្ជូនកញ្ឆាទាំងនោះទៅកាន់កំពង់ផែក្រុងបាងកក ដែលនៅទីនោះគេនឹងបញ្ជូនបន្តទៅបរទេស ។ ការស៊ើបអង្កេតយ៉ាងក្តៅគគុកមួយកំពុងតែធ្វើ ៕
ចែករំលែកព័តមាននេះ