ទីភ្នាក់ងារព័ត៌មានផ្លូវការអារ៉ាប៊ីសាអូឌីត SPA រាយការណ៍ថា អារ៉ាប៊ីសាអូឌីតកាលពីថ្ងៃទី២៨មេសាបានហៅឯកអគ្គរាជទូតប្រចាំប្រទេសអេហ្ស៊ីបឱ្យត្រឡប់ទៅស្រុកវិញនិងបានប្រកាសបិទស្ថានទូតរបស់ខ្លួនប្រចាំទីក្រុងគែរព្រមទាំងបិទស្ថានកុងស៊ុលក្នុងទីក្រុងអាឡិចសាន់ឌ្រី និងក្រុងស៊ុយអេ ។
យោងតាមSPAថា ឯកអគ្គរាជទូតអារ៉ាប៊ីសាអូឌីតប្រចាំអេហ្ស៊ីប ត្រូវបានកោះហៅឱ្យវិលត្រឡប់ទៅស្រុកវិញដើម្បីពិគ្រោះបន្ទាប់ពីបាតុកម្មជាច្រើនថ្ងៃរបស់ពលរដ្ឋអេហ្ស៊ីបនៅមុខបណ្តាទីស្នាក់ការការទូតរបស់អារ៉ាប៊ីសាអូឌីត ។ បាតុកម្មនានានិងការប៉ុនប៉ងលុកចូលក្នុងស្ថានទូតអារ៉ាប៊ីសាអូឌីតបានគំរាមកំហែងដល់សន្តិសុខរបស់បុគ្គលិកជាជនជាតិអារ៉ាប៊ីសាអូឌីតនិងអេហ្ស៊ីប ។
បណ្តាពាក្យស្លោកប្រទូស្តរ៉ាយស្រែកដោយពួកបាតុកររំលោភបំពានដល់ភាពថ្លៃថ្នូររបស់បណ្តាបេសកកម្មការទូតអារ៉ាប៊ីសាអូឌីត ។
ពួកបាតុករអេហ្ស៊ីបទាមទារឱ្យដោះលែងមេធាវីនិងជាសកម្មជនអេហ្ស៊ីបម្នាក់លោកស្រីអាម៉េដហ្សឺហ្សាវី ដែលត្រូវចាប់ឃុំឃាំងនាពេលមុននេះ នៅព្រលានយន្តហោះអារ៉ាប៊ីសាអូឌីត ពីបទមានគ្រឿងញៀន ៕
ចែករំលែកព័តមាននេះ