តាមអ្នកស្រាវជ្រាវរបស់អាមេរិកថា ទឹកសណ្តែកពណ៌សមិនត្រឹមតែល្អសម្រាប់អ្នកខ្វះជាតិស្ករប៉ុណ្ណោះទេ ប៉ុន្តែវាក៏ល្អសម្រាប់ថ្លើមផងដែរ។ ក្រុមអ្នកស្រាវជ្រាវមកពីសាកលវិទ្យាល័យអ៊ីលីណយ សហរដ្ឋអាមេរិកបានរកឃើញថា ប្រូតេអ៊ីនសណ្តែកដែលមាននៅក្នុងតៅហ៊ូនោះអាចកាត់បន្ថយការកកើតខ្លាញ់អាក្រក់ក្នុងថ្លើមផងដែរ។
ទោះជាយ៉ាងណាក្តី លទ្ធផលនៃការរកឃើញនេះគឺគ្រាន់តែជាដំណាក់កាលដំបូងប៉ុណ្ណោះដ្បិតការពិសោធទើបតែត្រូវបានធ្វើលើសត្វកណ្តុរនៅឡើយ។ អំឡុងនីតិវិធីនៃការពិសោធស្រាវជ្រាវ ពួកអ្នកវិទ្យាសាស្ត្របានប្រៀបធៀបថ្លើមកណ្តុរស្គមនិងកណ្តុរធាត់ដែលគេឱ្យចំណីវាមានប្រូតេអ៊ីនសណ្តែកដូចគ្នា។ ជាលទ្ធផលកណ្តុរស្គមគ្មានការខុសប្លែកឡើយ តែកណ្តុរធាត់វិញកម្រិតខ្លាញ់នៅក្នុងថ្លើមរបស់វាកាត់បន្ថយ ២០%។ ឯទ្រីលីសេរីដ( Triglycerides)ដែលគេស្គាល់ថាជាខ្លាញ់អាក្រក់ធ្វើឱ្យគ្រោះថ្នាក់ដល់បេះដូងក៏ត្រូវបានកាត់បន្ថយក្នុងកម្រិតដូចគ្នាផងដែរ។ នេះមានន័យថា ទឹកសណ្តែកអាចទប់ទល់ប្រឆាំងនឹង«ជំងឺខ្លាញ់ក្នុងថ្លើម»(ជាលក្ខខណ្ឌជាប់ពាក់នឹងការធាត់ដុះពោះដែលអាចនាំទៅរកការខ្សោយថ្លើម) ។
អ្នកដឹកនាំការស្រាវជ្រាវ វេជ្ជបណ្ឌិត Hong Chenមកពីសាកលវិទ្យាល័យអ៊ីលីណយបានបញ្ជាក់ថា ស្ទើរ១/៣នៃមនុស្សពេញវ័យអាមេរិកមានជំងឺខ្លាញ់ក្នុងថ្លើម ហើយភាគច្រើននៃពួកគេគឺគ្មានរោគសញ្ញា។ ការធាត់ដុះពោះលើសទំងន់គឺជាកត្តាប្រឈមដ៏ផុយស្រួយមួយនៃជំងឺខ្លាញ់ក្នុងថ្លើម។ នៅពេលខ្លាញ់ប្រមូលផ្តុំក្នុងសរីរាង្គមួយដែលវាមិនមានតួនាទីសន្និធិខ្លាញ់តួយ៉ាងដូចជាថ្លើម ដូច្នេះមុខងារសំខាន់របស់សរីរាង្គនោះអាចត្រូវស្ថិតនៅក្នុងភាពគ្រោះថ្នាក់។
លោកវេជ្ជបណ្ឌិតបានបន្ថែមថា បុគ្គលដែលធាត់ៗតែងមានបញ្ហានៃការធ្វើដំណើរ ហើយខ្លាញ់ច្រើនលើសលប់អាចហៀរចេញពីថ្លើម មានសម្ពាធតិចតួចលើសរីរាង្គ ។ លទ្ធផលនៃការសិក្សានេះត្រូវបានគេយកទៅធ្វើបទបង្ហាញនៅក្នុងកិច្ចប្រជុំប្រចាំឆ្នាំរបស់អង្គការ The American Society for Biochemistry and Molecular Biology (ASBMB)ទីក្រុងសានឌីយេហ្គោ រដ្ឋកាលីហ្វ័រនីញ៉ាសហរដ្ឋអាមេរិកក្នុងខែនេះ ៕
ចែករំលែកព័តមាននេះ