រាជធានីភ្នំពេញ ៖ ហាងដៃគូទំនើបរបស់ Samsung មួយទៀតគឺ Khmer Leader Distribution (KLD) នៅពីថ្ងៃទី២៦ មេសា នេះ បានបើកសម្ពោធស្នាក់ការថ្មី ស្ថិតនៅអគារលេខ៤៨ មហាវិថីម៉ៅសេទុង ទល់មុខមជ្ឈមណ្ឌលម៉ុងឌីយ៉ាល់ជាផ្លូវការ ដោយមានការចូលរួមពីសំណាក់ថ្នាក់ដឹកនាំគ្រប់ជាន់ថ្នាក់របស់ SAMSUNG, KLD, ហាងចែកចាយបន្ត ព្រមទាំងក្រុមអ្នកសារព័ត៌មានសរុបប្រមាណចំនួន១១០នាក់។
ក្នុងឱកាសបើកសម្ពោធនោះលោកហ្គីហានលី នាយកចាត់ចែងសាខាក្រុមហ៊ុនថៃ SAMSUNG អេឡិចត្រូនិកប្រចាំកម្ពុជា បានលើកឡើងថា «ដោយមើលឃើញពីការតាំងចិត្ត ដើម្បីសម្រេចគោលដៅរួមក្នុងការចូលរួមអភិវឌ្ឍន៍ក៏ដូចជាពង្រីកទីផ្សារផលិតផល Samsung ក្នុងព្រះរាជាណាចក្រកម្ពុជា ដើម្បីតាមឱ្យទាន់ការលក់ដែលកើនឡើងខ្លាំងជាមួយនឹងកំណើន២ខ្ទង់ដោយទទួលបានការគាំទ្រពីសំណាក់អ្នកលក់និងពេញនិយមពីសំណាក់អ្នកប្រើប្រាស់ដែលជានិច្ចកាលតែងស្វែងរកអ្វីដែលថ្មីទំនើបឱ្យសមស្របទៅនឹងជីវភាពទាន់សម័យ និងមនុស្សជំនាន់ថ្មី ខ្ញុំសូមថ្លែងអំណរគុណយ៉ាងជ្រាលជ្រៅចំពោះហាងដៃគូរទំនើបថ្មីដ៏មានសក្តានុពលរបស់យើងគឺ KLD»។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ