រាជធានីភ្នំពេញ ៖ គណៈកម្មាធិការបក្សប្រជាជនកម្ពុជាខណ្ឌប្ញស្សីកែវ កាលពីរសៀលថ្ងៃទី២៥ មេសា បាននាំយកអំណោយទៅចែកជូនប្រជាពលរដ្ឋរងគ្រោះដោយសារខ្យល់ព្យុះចំនួន១២គ្រួសារ នៅក្នុងភូមិចំបក់មាស និងភូមិក្តីចាស់ សង្កាត់បាក់ខែង ខណ្ឌប្ញស្សីកែវ ដោយមានការអញ្ជើញចូលរួមផ្ទាល់ពីសំណាក់លោកស្រី អ៊ួង សុផល្លា ប្រធានសមាគមនារីកម្ពុជា ដើម្បី សន្តិភាពនិងអភិវឌ្ឍន៍ខណ្ឌប្ញស្សីកែវ និងជាតំណាងលោកឃ្លាំង ហួត ជាប្រធានគណៈកម្មាធិការបក្សប្រជាជនកម្ពុជាខណ្ឌរួមទាំងសមាជិកសមាជិកាបក្សយ៉ាងច្រើនកុះករ ។
អំណោយដែលនាំទៅចែកជូនក្នុងឱកាសនោះ សម្រាប់ប្រជាពលរដ្ឋ៣គ្រួសារ ដែលត្រូវខ្យល់ព្យុះរលំផ្ទះទាំងស្រុងក្នុង១គ្រួសារទទួលបានអង្ករ៥០គីឡូក្រាម មី២កេស ទឹកត្រី១យួរ ទឹកស៊ីអីុវ១យួរ ត្រីខ១០កំប៉ុង កន្ទេល១ មុង១ ភួយ១ សារុង១ ធុងទឹកជ័រធំ១ តង់១ ថវិកា២០ម៉ឺនរៀល ។ សម្រាប់ប្រជាពលរដ្ឋ៩គ្រួសារដែលត្រូវខ្យល់ព្យុះរបើកដំបូលទទួលបានអង្ករ២០គីឡូក្រាម មី១កេស ទឹកត្រី១យួរ ទឹកស៊ីអីុវ១យួរ សារុង១ និងថវិកា១០ម៉ឺនរៀល ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ