រាជធានីភ្នំពេញ ៖ ក្រុមហ៊ុន វីធីជេ ភីអិលស៊ី គឺជាក្រុមហ៊ុនឈានមុខគេផ្នែកផលិត និងចែកចាយប្រព័ន្ធគ្រោងពិតាន ប្រព័ន្ធគ្រោងជញ្ជាំង និងប្រព័ន្ធដំបូលស័ង្កសីដែលទទួលបាន ISO 9001-2008 ពីប្រទេសអាល្លឺម៉ង់ ។ ក្រៅពីនេះ ក្រុមហ៊ុនបាននាំចូលផ្តាច់មុខនូវផលិតផលម៉ាកជីរ៉ក់ ពីប្រទេសថៃ ដូចជា សន្លឹកម្នាងសិលា ម្សៅបៀក ម្សៅបិទ និងម្សៅចាក់ជ្រីដែលមានគុណភាពលេខ១លើពិភពលោក ។
ចាប់ពីថ្ងៃផ្សាយដំណឹងនេះតទៅរហូតដល់ថ្ងៃទី៣១ ឧសភា ឆ្នាំ ២០១២ លោកអ្នកជាវផលិតផលពីក្រុមហ៊ុនវិធីជេ ដូចជា ស៊ីឡាយ២បាច់ ឬស័ង្កសី៦ម៉ែត្រការ៉េ ម៉ាកវីធីជេ ទទួលបានឆ្នោតកោស១សន្លឹក ។ សន្លឹកម្នាងសិលា៦សន្លឹក ឬម្សៅបៀក ម្សៅបិទ និងម្សៅចាក់ជ្រី២បាវ ម៉ាកជីរ៉ក់ ទទួលបានឆ្នោតកោស១សន្លឹក។ សូមអតិថិជនទាំងអស់កុំភ្លេចសួររកសន្លឹកឆ្នោត លោកអ្នកនឹងមានសំណាងឈ្នះរង្វាន់ភ្លាមៗ ។
ចំពោះសន្លឹកឆ្នោតដែលមិនមានសំណាងត្រូវរង្វាន់ សូមបំពេញឈ្មោះ អាសយដ្ឋាន លេខអត្តសញ្ញាណប័ណ្ណ និងលេខទូរស័ព្ទ ហើយដាក់ចូលក្នុងធុងឆ្នោតនៅតាមបណ្តាសាខាចែកចាយនានារបស់ក្រុមហ៊ុនវីធីជេ ដើម្បីចាប់ឆ្នោតផ្សងសំណាងម្តងទៀតនៅរៀងរាល់២ខែម្តងចំនួន២លើក ក្នុងកម្មវិធីប្រដាល់ថ្ងៃអាទិត្យនៅលើកញ្ចក់ទូរទស្សន៍ CTN ។នៅថ្ងៃ២៥ មេសា ក្រុមហ៊ុនមានកិត្តិយសដើម្បីអញ្ជើញអ្នកមានសំណាងឈ្នះរង្វាន់ធំទាំងអស់ឱ្យមកទទួលរង្វាន់នៅការិយាល័យកណ្តាលរបស់ក្រុមហ៊ុនវីធីជេ វិញទឿង អីអិលស៊ី ដើម្បីបញ្ជាក់ទៅដល់អតិថិជនទាំងអស់ថា ក្រុមហ៊ុនពិតជាចែករង្វាន់ពិតប្រាកដមែន និងសូមឱ្យអតិថិជនទាំងអស់នៅតែបន្តគាំទ្រផលិតផលរបស់ក្រុមហ៊ុនជាផលិតផលឈានមុខគេ ។
រង្វាន់ធំរួមមាន រង្វាន់ធំទី១-ម៉ូតូ Yamaha Fino 115 CC ចំនួន១គ្រឿង, រង្វាន់ធំទី២-ទូរស័ព្ទដៃ Samsung Galaxy Tab ចំនួន២គ្រឿង, រង្វាន់ធំទី៣-ទូរទស្សន៍ LCD 32’ ចំនួន៣គ្រឿង និងរង្វាន់ធំទី៤-ប័ណ្ណទឹកប្រាក់ ២០០ដុល្លារ ចំនួន១៥រង្វាន់ សរុបទឹកប្រាក់៣០០លានរៀល ៕
ចែករំលែកព័តមាននេះ