ផ្សារហ៊ុនអាស៊ីធ្លាក់ចុះចូលដល់ថ្ងៃទី៤ ហើយតម្លៃប្រាក់វ៉ុនកូរ៉េខាងត្បូងក៏បានធ្លាក់ចុះដែរ ដោយសារស្រមោលខ្មៅនៃវិបត្តិប្រាក់ចំណូលទ្វីបអឺរ៉ុប។ ចំណែកប្រាក់យ៉េនជប៉ុនបែរជាឡើងថ្លៃជាថ្មីធៀបជាមួយរូបិយវត្ថុធំៗ១៦ផ្សេងទៀត។
ផ្សារហ៊ុនអាស៊ីប៉ាស៊ីហ្វិក MSCI ធ្លាក់ចុះ០,៤ភាគរយនៅម៉ោង៩និង១៦នាទីព្រឹកក្នុងទីក្រុងតូក្យូ ចំណែកផ្សារហ៊ុន Nikkei 225 ខាតបង់០,៩ភាគរយ។ ផ្សារហ៊ុនអាមេរិក Standard & Poor 500 ក៏មានការប្រែប្រួលបន្តិចដែរ បន្ទាប់ពីធ្លាក់ចុះជិតមួយសប្តាហ៍មក។ ដោយឡែកប្រាក់យ៉េនបានឡើងថ្លៃចូលដល់ថ្ងៃទី៣ ធៀបជាមួយប្រាក់ដុល្លារ គឺកើនឡើង១,១ភាគរយ។ តម្លៃប្រាក់វ៉ុនកូរ៉េខាងត្បូងធ្លាក់ចុះ០,២ធៀបជាមួយប្រាក់ដុល្លារអាមេរិក ។
លោកនាយករដ្ឋមន្ត្រីហូឡង់ Mark Rutt បញ្ជាឱ្យមន្ត្រីគណៈរដ្ឋមន្ត្រីរបស់លោកលាលែងពីតំណែង ដើម្បីប្រឆាំងការបះបោរការកាត់បន្ថយចំណាយ។ ការខកខានក្នុងការសងប្រាក់បំណុលឥណទានរបស់រដ្ឋាភិបាល បានធ្វើឱ្យបំណុលជាតិកើនឡើងកាលពីថ្ងៃចន្ទ ទី១៦ មេសា ដល់កម្រិតខ្ពស់បំផុតក្នុងរយៈពេល៥ខែកន្លងមកនេះ ។
លោក Quintin Price ប្រធានវិនិយោគបរទេសពិភពលោករបស់ក្រុមហ៊ុន Black Rock បាននិយាយថា វាជាពេលរំខានដល់បរិយាកាសក្នុងទ្វីបអឺរ៉ុប។ ក្រុមហ៊ុន Black Rock មានដើមទុននៅទូទាំងពិភពលោកចំនួន៣,៦៨សែនកោដិដុល្លារ ។ក្រុមហ៊ុន Newcrest Mining Ltd ធ្លាក់ភាគហ៊ុនអស់៤,១ភាគរយ។ ក្រុមហ៊ុនរុករករ៉ែមាសធំបំផុតក្នុងប្រទេសអូស្ត្រាលីបានកាត់បន្ថយគោលដៅប្រចាំឆ្នាំនៃផលិតផលមាសរបស់ខ្លួនបន្ទាប់ពីមានភ្លៀងធ្លាក់ខ្លាំងនៅកន្លែងរុករករ៉ែក្នុងត្រីមាសទី៣ ។
ភាគហ៊ុនរបស់ក្រុមហ៊ុន Alibaba.com Ltd ដែលជាក្រុមហ៊ុនពាណិជ្ជកម្មអេឡិចត្រូនិកធំបំផុតក្នុងប្រទេសចិន ប្រហែលមានសកម្មភាពឡើងវិញបន្ទាប់ពីចេញរបាយការណ៍ប្រាក់ចំណូលដ៏តិចតួចរបស់ខ្លួនក្នុងរយៈពេល២ឆ្នាំ។ ក្រុមហ៊ុន Wuhan Iron & Steel Co. ប្រហែលមានសកម្មភាពរស់រវើកឡើងវិញបន្ទាប់ពីប្រាក់ចំណូលក្នុងត្រីមាសទី១ ធ្លាក់ចុះ៩៣ភាគរយដោយសារតម្រូវការធ្លាក់ចុះពីក្រុមហ៊ុនផលិតរថយន្ត និងក្រុមហ៊ុនសំណង់ ៕
ចែករំលែកព័តមាននេះ