រាជធានីភ្នំពេញ ៖ កាលពីព្រឹកថ្ងៃទី១១ មេសា លោក ហ៊ុន ម៉ានិត នាយករងខុទ្ទកាល័យ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា រួមនឹងថ្នាក់ដឹកនាំសមាគមសិស្ស និស្សិត បញ្ញវន្តក្មេងវត្ត ដែលអមដំណើរដោយលោក ឈឹម សៅគី ទីប្រឹក្សាផ្ទាល់សម្តេចតេជោ បាននាំយក
រាជធានីភ្នំពេញ ៖ កាលពីព្រឹកថ្ងៃទី១១ មេសា លោក ហ៊ុន ម៉ានិត នាយករងខុទ្ទកាល័យ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា រួមនឹងថ្នាក់ដឹកនាំសមាគមសិស្ស និស្សិត បញ្ញវន្តក្មេងវត្ត ដែលអមដំណើរដោយលោក ឈឹម សៅគី ទីប្រឹក្សាផ្ទាល់សម្តេចតេជោ បាននាំយកអំ ណោយសម្តេច និងលោកជំទាវកិត្តិព្រឹទ្ធបណ្ឌិតទៅផ្តល់ជូននិស្សិតក្រីក្រ ស្នាក់នៅរៀនសូត្រក្នុងវត្តទឹកថ្លា និង៩វត្តទៀតនៅខណ្ឌសែនសុខសរុបប្រមាណ៣០០នាក់ រួមជាមួយព្រះសង្ឃជាច្រើនអង្គ និងតាជីយាយជីមួយចំនួនទៀត ។
អំណោយដែលនាំយកទៅនោះ សម្រាប់ព្រះសង្ឃគង់នៅវត្តទឹកថ្លា ប្រគេនអង្ករចំនួន១តោនស្នាដក៥ និងថវិកា១លានរៀល ។ ជូនដល់និស្សិតក្រីក្រប្រមាណ៣០០នាក់ ក្នុងនោះមកពីវត្តមង្គលវ័ន៦០នាក់ វត្តអង្គតាមិញ៥០នាក់ វត្តពោធិយារាម៣៥នាក់ វត្តទឹកថ្លា៥០នាក់ វត្តឧតារាវតី២៤នាក់ វត្តត្រពាំងឈូក១៣នាក់ វត្តព្រះបារមីវង្គត់បុរីបិលភស្ត១៣នាក់ វត្តពោធិចិនតុង៣៩នាក់ និងវត្តញាណរង្សី១៤នាក់ ម្នាក់ៗទទួលបានអាវដៃវែងសម្រាប់សិស្ស និស្សិត១ ក្រមា១ ថវិកា២ម៉ឺនរៀល ។ ចំណែកនិស្សិតក្រីក្រជាងគេ៧០នាក់ ដែលខ្វះមធ្យោបាយធ្វើដំណើរទៅ សាលាជូនកង់ម្នាក់១គ្រឿង ដើម្បីបានជិះទៅ រៀន បន្ថែមពីលើអាវ១ និងប្រាក់២ម៉ឺនរៀល នោះ ។ ជូនដូនជីតាជី៥១នាក់ ម្នាក់ៗទទួលបានក្រណាត់ស១ដុំ និងថវិកា២ម៉ឹនរៀល ។
ក្នុងឱកាសនោះលោក ហ៊ុន ម៉ានិត បានសំណេះសំណាលជាមួយក្រុមនិស្សិត និងដូនជីតាជី ដោយពាំនាំនូវការផ្តាំផ្ញើសាកសួរសុខទុក្ខពីសំណាក់ម្ចាស់អំណោយ គឺមាតាបិតារបស់លោកដែលជាថ្នាក់ដឹកនាំប្រទេស ប្រកបទៅដោយព្រហ្មវិហារធម៌ចំពោះសិស្ស និស្សិត និងជនរួមជាតិទាំងអស់ ពិសេសគឺជនក្រីក្រ ។ ក្នុងនាមគណបក្សប្រជាជនកម្ពុជា សម្តេចនិងលោកជំទាវកិត្តិព្រឹទ្ធបណ្ឌិតមិនដែលមើលរំលងជនក្រីក្រឡើយ ហើយរិតតែមិនអាចឱបដៃមើលទុក្ខវេទនារបស់ប្រជាពលរដ្ឋ និងសិស្ស និស្សិតដែលព្យាយាមខិតខំប្រឹងប្រែងរៀនសូត្រយកចំណេះដឹង ដើម្បីឱ្យមានធនធានមនុស្សសម្រាប់ជា
ទំពាំងស្នងប្ញស្សីដល់ប្រទេសជាតិ ។
លោកហ៊ុន ម៉ានិត បានកោតសរសើរប្អូនៗនិស្សិតទាំងអស់ដែលទោះបីស្ថានភាពគ្រួសារក្រីក្រមានជីវភាពខ្វះខាតយ៉ាងណាក៏ដោយ ក៏ខិតខំតស៊ូយកទីអារាមស្នាក់នៅ ដើម្បីបន្តការសិក្សារៀនសូត្រដែលអនាគតប្អូនៗទាំងអស់គ្នាមើលមិនឃើញនោះឡើយ ។ លោក ហ៊ុន ម៉ានិត បានលើកឧទាហរណ៍ជាក់ស្តែងទៅបិតាលោកដែលជាកូនអ្នកស្រែចម្ការសុទ្ធសាធ ប៉ុន្តែការព្យា យាមខិតខំប្រឹងប្រែងរៀនសូត្រលោកទទួលបានចំណេះដឹងខ្ពស់និងបានឡើងធ្វើជានាយករដ្ឋមន្ត្រី តាំងពីវ័យក្មេង ។ កាលជំនាន់មុន លោកក៏ជាសិស្ស ធ្លាប់បានមកស្នាក់នៅរៀនសូត្រជា មួយព្រះសង្ឃក្នុងវត្តនាគវ័ន រាជធានីភ្នំពេញនេះដែរ ៕
ចែករំលែកព័តមាននេះ