រាជធានីភ្នំពេញ ៖ កាលពីថ្ងៃទី២៦ មីនា ២០១២ វេលាម៉ោង៦ និង៥០នាទីល្ងាច នគរបាលខណ្ឌសែនសុខ បានឃាត់ខ្លួនបុរសម្នាក់ឈ្មោះធុន ប៊ុនធឿន អាយុ៣២ឆ្នាំ ជាសន្តិសុខរបស់ក្រុមហ៊ុនCFM មានទីលំនៅក្នុងភូមិច្រេស សង្កាត់ភ្នំពេញ ថ្មី ខណ្ឌសែនសុខ តាមដីកាលេខ១៨១១ ចុះថ្ងៃទី៣០ កក្កដា ២០០៩ របស់ចៅក្រមស៊ើបសួរសាលាដំបូងរាជធានីភ្នំពេញ លោកថាំង ស៊ីណាត ពីបទវាយប្លន់យកកង់ និងស្បែកជើង ។
តាមប្រភពព័ត៌មានពីនគរបាលឱ្យដឹងថា កាលពីល្ងាចថ្ងៃខាងលើ នគរបាលបានចុះល្បាតនៅតាមផ្លូវ ក៏ប្រទះឃើញជនសង្ស័យខាងលើ ជិះម៉ូតូនៅមុខរោងចក្រសានហ្វុង ហើយក៏ឃាត់ខ្លួនតែម្តង ។ បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីចាត់ការតាមច្បាប់ ៕
ចែករំលែកព័តមាននេះ