ទីភ្នាក់ងារព័ត៌មានបរទេសផ្សាយឱ្យដឹងពីអាការជំងឺចម្លែករបស់នាងខេធី ដេល អាយុ២៧ឆ្នាំ អ្នកស្រុកក្នុងទីក្រុងផ្លីន ប្រទេសអង់គ្លេស ជាប្រភេទជំងឺ «Aquagenic Urticaria » ឬជំងឺចាញ់ទឹករួមទាំងទឹកភ្នែករបស់ខ្លួនផងប្រសិនបើយំក៏អាចបណ្តាលឱ្យអ្នកកើតជំងឺនេះស្លាប់បាន ។ ក្រៅពីនេះនាងថែមទាំងត្រូវបញ្ឈប់អាជីពដែលខ្លួនស្រឡាញ់ក្នុងនាមជាគ្រូបង្ហាត់រាំ ព្រោះញើសចេញពីរាងកាយក៏ធ្វើឱ្យទទួលរងគ្រោះថ្នាក់ដូចគ្នា ។ ប្រភេទជំងឺចាញ់ទឹកត្រូវបានប្រទះឃើញត្រឹមតែ៣៥នាក់នៅទូទាំងពិភពលោក ។
ពេលខ្លួនប្រាណត្រូវទឹកបង្កឱ្យមានការឈឺចាប់ បើត្រូវទឹកក្នុងអំឡុងពេលយូរក៏កាន់តែរលាកនិងឈឺចាប់ខ្លាំងឬអាចបណ្តាលឱ្យស្លាប់បាន ។ នាងខេធី ដេល បង្ហើបឱ្យដឹងថា «មានពេលខ្លះខ្ញុំមានអារម្មណ៍ថាហាក់ដូចជាត្រូវបង្ខាំងទុកតែក្នុងផ្ទះ ខ្ញុំមានអារម្មណ៍ចង់យំ ប៉ុន្តែមិនអាចដំណើរការបានព្រោះខ្លាចឈឺចាប់ ។ អ្នកខ្លះ ប្រាប់ថា ខ្ញុំអាចស្លាប់ដោយសារទឹក ។ ស្របពេលជាមួយគ្នានេះ អ្នកខ្លះក៏មិនអាចយល់ច្បាស់ទាក់ទងនឹងអាការជំងឺប្រភេទនេះពួកគេសើចនៅពេលខ្ញុំប្រាប់ថា ខ្ញុំងូតទឹកមិនបាន ។
លោកអេនឌី អាយុ៣២ឆ្នាំ ជាប្តីបង្ហាញឥរិយាបថល្អចំពោះខ្ញុំ គេប្រតិបត្តិគ្រប់បែបយ៉ាងនិងមិនបណ្តែតបណ្តោយឱ្យខ្ញុំធ្វើការងារទាក់ទងនឹងទឹកដូចជាបោកអាវជាដើម មានពេលខ្លះក៏ទៅងូតទឹកដោយអាការប្រញាប់ប្រញាល់និងជូតខ្លួនប្រាណបានឆាប់ក្នុងរយៈពេល២នាទី ចំណែកអេនឌីក៏ជួយកក់សក់ឱ្យខ្ញុំដែរ ។ គួរបញ្ជាក់ថា អាការជំងឺចាញ់ទឹករបស់នាងបានកើតឡើងនៅពេលនាងមានអាយុ១៦ឆ្នាំ និងបច្ចុប្បន្នក្រុមគ្រូពេទ្យមិនទាន់មានវិធីសាស្ត្រព្យាបាលនៅឡើយទេ ៕
ចែករំលែកព័តមាននេះ