កាលពីថ្ងៃទី១២ មីនា កន្លងមក ទីភ្នាក់ងារស៊ីនហួ បានបង្ហាញរូបភាពគួរឱ្យព្រឺព្រួចរបស់នាងសានីយ៉ា ប៊ូបេនហ្គោ ជនជាតិរុស្ស៊ីអាយុ២០ឆ្នាំ នៅទីក្រុងយេហ្គាតេរីនប៊ួក ភាគខាងលិចឆៀងខាងត្បូងប្រទេស ដោយស្គមនៅសល់តែស្បែកដណ្តប់ឆ្អឹង មូលហេតុបណ្តាលមកពីសម្រកទម្ងន់ ។ បច្ចុប្បន្ននៅសល់តែ២០គីឡូក្រាម ព្រោះចង់មានរូបរាងសមសួន ប៉ុន្តែក្រោយពីឆ្លងកាត់អំឡុងពេលសម្រកទម្ងន់យូរក៏ក្លាយជាអ្នកញៀនថ្នាំ និងមិនចង់ទទួលទានអាហារខណៈពេលឥរិយាបថដ៏ចម្លែកខាងលើរងការរិះគន់នៅក្នុងប្រព័ន្ធវ៉េបសាយ ។
នាងសានីយ៉ា មានកម្ពស់១,៥៨ម៉ែត្រ និយាយថា នេះគឺជាជ័យជម្នះមួយក្នុងខ្សែជីវិតដែលខ្លួនពេញចិត្តនឹងរូបរាងខាងលើនិងមានសោមនស្សរីករាយដែលសម្រកទម្ងន់បានច្រើនជាងការគ្រោងទុក ។ ស្របពេលជាមួយគ្នានេះ បណ្តាអ្នកលេងអ៊ីធើរណេតមួយចំនួនបញ្ជាក់ថា គឺជារូបភាពមិនអាចទទួលយកបានដោយបញ្ជាក់ថា ប្រសិនបើមិនស្គមបែបនេះ នាងសានីយ៉ាគឺជានារីដ៏ស្រស់ស្អាតម្នាក់ ខណៈពេលគ្រូពេទ្យជំនាញបង្ហើបឱ្យដឹងថា នាងសានីយ៉ា ជាមនុស្សកើតជំងឺ«អាន័ររ៉េកស៊ី» ឬជំងឺស្គមរ៉ាំរ៉ៃ និងអាចស្លាប់បានប្រសិនបើមិនព្យាបាលទាន់ពេលទេនោះ ៕
ចែករំលែកព័តមាននេះ