យោងទៅតាមប្រភពព័ត៌មានពីគេហទំព័ររបស់ក្លឹប Nottingham ក្នុងក្របខណ្ឌអង់គ្លេសឆេមពានស៊ីបបានឱ្យដឹងថា ម្ចាស់ភាគហ៊ុនក្លឹប គឺលោក Nigel Doughty ត្រូវបានគេប្រទះឃើញដេកស្លាប់ក្នុងគេហដ្ឋានរបស់លោកនៅ ក្នុងបន្ទប់ហាត់ប្រាណ ។ គេហទំព័រដដែលនោះបានបន្តឱ្យដឹងទៀតថា ៖ លោក Doughty វ័យ៥៤ឆ្នាំ ត្រូវបានប្រទះឃើញស្លាប់កាលពីព្រឹកព្រលឹមថ្ងៃសៅរ៍ក្រៅគេហដ្ឋានរបស់លោកក្នុងទីក្រុង Lincolnshire ។ ទាក់ទិនទៅនឹងករណីស្លាប់របស់ម្ចាស់ក្លឹបនេះដែរ មិនទាន់ត្រូវបានគេប្រាប់ឱ្យដឹងពីមូលហេតុនៅឡើយទេ ហើយស្របពេលជាមួយគ្នានេះ មន្ត្រីក្លឹបបានជំរុញឱ្យក្រុមគ្រួសាររបស់សពដាក់ពាក្យបណ្តឹងទៅអាជ្ញាធរប៉ូលិសដើម្បីបើកការស៊ើបអង្កេត ។
ចំណែកឯកីឡាករខ្សែប្រយុទ្ធ Derbyshireបានសម្តែងការសោកស្តាយយ៉ាងខ្លាំងចំពោះមរណភាពរបស់លោក Doughty ដោយនិយាយថា ៖ ខ្ញុំស្ទើរតែមិនជឿចំពោះព័ត៌មាននេះ តែទោះជាយ៉ាងណាក្តី អ្វីៗវាគឺវាការពិត ពោលគឺលោក Doughty បានស្លាប់ពិតប្រាកដមែន ។ ដោយឡែកមិត្តរួមក្រុមរបស់កីឡាករ Derbyshire គឺកីឡាករ Garaht Mc Cleary បាននិយាយថា ៖ ខ្ញុំសូមចូលរួមរំលែកទុក្ខដល់ក្រុមគ្រួសាររបស់លោក និងសូមសម្តែងការដឹងគុណដ៏ជ្រាលជ្រៅចំពោះស្នាដៃរបស់លោកនាពេលកន្លងមក ។
គាត់គឺជាមនុស្សសំខាន់ណាស់ សម្រាប់ក្លឹប Nottingham ។ គួររំលឹកដែរថា លោក Nigel Douhty គឺជាមនុស្សដ៏សំខាន់ម្នាក់ដែលបានជួយជ្រោមជ្រែងផ្នែកហិរញ្ញវត្ថុដល់ក្លឹប Nottingham ។ លោកបានចំណាយលុយ១១លានផោន ដើម្បីទិញភាគហ៊ុនក្លឹបនេះកាលពីឆ្នាំ១៩៩៩ ៕
ចែករំលែកព័តមាននេះ