មនុស្ស៥នាក់ទៀតស្លាប់ក្នុងការប៉ះទង្គិចគ្នារវាងពួកបាតុករ និងកងកម្លាំងប៉ូលិស នៅមុខក្រសួងមហាផ្ទៃនាទីក្រុងគែរ ធ្វើឱ្យចំនួនអ្នកស្លាប់ក្នុងប្រទេសដោយសារបាតុកម្មហិង្សាឡើងដល់១២នាក់ហើយ ។ នេះជាតុល្យការថ្មីមួយប្រកាសកាលពីថ្ងៃទី៤ កុម្ភៈ ដោយក្រសួងសុខាភិបាលអេហ្ស៊ីប។ មនុស្សទាំង៥នាក់នេះស្លាប់កាលពីថ្ងៃទី៤ កុម្ភៈ ក្នុងពេលមានការប៉ះទង្គិចគ្នារវាងពួកបាតុករ និងប៉ូលិសនៅមុខអគារក្រសួងមហាផ្ទៃ ។ មនុស្ស២នាក់ស្លាប់កាលពីថ្ងៃទី៣ កុម្ភៈ ក្នុងការប៉ះទង្គិចគ្នានៅមុខក្រសួងមហាផ្ទៃដែរ។
នៅទីក្រុងស៊ុយអេ ភាគឦសានអេហ្ស៊ីប មនុស្ស៣នាក់ស្លាប់ ក្នុងការប៉ះទង្គិចគ្នានានាធ្វើឱ្យចំនួនអ្នកស្លាប់ក្នុងតំបន់នេះឡើងដល់៥នាក់។ បាតុកម្មទាំងឡាយបានផ្ទុះឡើង ដោយសារសោកនាដកម្មពេលមានការប្រកួតបាល់ទាត់នៅក្រុង PORT SAÏD កាលពីថ្ងៃទី១ កុម្ភៈ កន្លងមកនេះ ដោយក្នុងសោកនាដកម្មនេះ មនុស្សដល់ទៅ៧៤នាក់ត្រូវស្លាប់ ហើយ១.០០០នាក់ត្រូវរបួស ។ បាតុកម្មបានកើតមានក្នុងប្រទេសរយៈពេល៣ថ្ងៃជាប់ៗគ្នាមកហើយ ៕
ចែករំលែកព័តមាននេះ