ក្រសួងដឹកជញ្ជូនវៀតណាមបានកំណត់គោលដៅបញ្ចប់គម្រោងធំៗជាង៣០ក្នុងឆ្នាំនេះ ដើម្បីជា បង្គោលនៃការអភិវឌ្ឍហេដ្ឋារចនាសម្ព័ន្ធដឹកជញ្ជូន ។ កាលពីឆ្នាំមុន មានគម្រោងរាប់រយត្រូវបានពន្យារដោយសារគោលនយោបាយកាត់បន្ថយការវិនិយោគសាធារណៈរបស់រដ្ឋាភិបាល ។ គម្រោងទាំងនោះរួមមាន ការកសាងបណ្តាញផ្លូវទៅកាន់តំបន់បេតិកភណ្ឌវប្បធម៌ Phong Nha-Ke bang និងព្រលានយន្តហោះKhe Gat នៅកណ្តាលខេត្ត Quang Binh សាងសង់ស្ពាន Ngoc Thap នៅភាគខាងជើងខេត្ត Qhu Tho ស្ពាន Dam Cung នៅភាគខាងត្បូងខេត្ត Ca Mau ផ្លូវដែក Ha Long-Cai Lan កំពង់ផែក្នុងខេត្ត Kien Giang និងព្រលានយន្តហោះ Da Nang ។
ដើម្បីសម្រេចតាមគោលដៅ ទឹកប្រាក់ចំនួន៤២សែនកោដិដុង ឬ២ពាន់លានដុល្លារ សម្រាប់ការចំណាយលើគម្រោងឆ្នាំនេះ ។ សម្រាប់មូលនិធិនេះ ទឹកប្រាក់ជិត៧,៥សែនកោដិដុង ឬ ៣៥៧លានដុល្លារបានមកពីថវិការដ្ឋ ចំណែក១៥សែនកោដិដុងផ្សេងទៀត បានមកពីប្រាក់កម្ចីរដ្ឋាភិបាល និងប្រភពធនធានផ្សេងៗទៀត ។ បន្ថែមលើសពីនេះទៀត ក្រសួងនឹងផ្តោតលើអ្នកវិនិយោគផ្ទាល់ដើម្បីពន្លឿនគម្រោង ដែលបានចេញប្រាក់រួចហើយ និងចូលរួមក្នុងកិច្ចសហប្រតិបត្តិការជាមួយម្ចាស់តំបន់ដើម្បីពង្រីកការបោសសម្អាតសម្រួលដល់ការសាងសង់ ។
លោកឧបនាយករដ្ឋមន្ត្រី Truong Tan Vien បានថ្លែងកាលពីឆ្នាំមុនថា មានគម្រោងសំខាន់ៗជាច្រើនមិនទាន់ត្រូវបានបញ្ចប់ដោយសារកង្វះខាតផ្នែកមូលនិធិ បន្ទាប់ពីមានគោលនយោបាយ11/NQ-CP លើស្ថិរភាពម៉ាក្រូសេដ្ឋកិច្ច និងការគ្រប់គ្រងអតិផរណា ។ គម្រោងហេដ្ឋារចនាសម្ព័ន្ធកាលពីឆ្នាំមុន អាចមកនៅត្រឹម៥៥ភាគរយនៃតម្រូវការសរុប ៕
ចែករំលែកព័តមាននេះ