មន្ត្រីប៉ូលិសកំពុងស្វែងរកចាប់ខ្លួនមនុស្សពីរនាក់ដែលគេជឿថា ជាចោរលួច និងបាញ់បុរស ម្នាក់នៅក្នុងសង្កាត់ Bronx កាលពីវេលាម៉ោងប្រហែល៦និង៣០នាទីថ្ងៃទី១៨ មករា ព្រោះបុរសម្នាក់នោះមិនព្រមប្រគល់ទូរស័ព្ទ Iphone ដ៏មានតម្លៃរបស់គាត់ឱ្យទៅពួកគេ ។ ជនរងគ្រោះវ័យ២៣ឆ្នាំ កំពុងដើរតាមដងផ្លូវ W១៩០ ក្បែរមហាវិថី Grand Ave ជាមួយ មិត្តភក្តិ ភ្លាមនោះជនសង្ស័យក៏ស្ទាក់ពួកគេ។
ជនសង្ស័យទាមទារឲ្យជនរងគ្រោះប្រគល់ទូរសព្ទ័ ប៉ុន្តែគាត់ប្រកែកមិនព្រមឱ្យហើយពួកគេក៏ដកកាំភ្លើងបាញ់គាត់មួយគ្រាប់ពេលព្យាយាមរត់គេច ។ ក្រោយមកជនល្មើសក៏បានរត់គេចខ្លួនពីកន្លែងកើតហេតុ ហើយជនរងគ្រោះត្រូវបានបញ្ជូនទៅកាន់មន្ទីរពេទ្យ ៕
ចែករំលែកព័តមាននេះ