អំពើហិង្សាថ្មីៗបណ្តាលឱ្យមនុស្សស្លាប់៥នាក់ នៅភាគខាងជើងនីហ្សេរីយ៉ា ក្នុងនោះ២នាក់ក្នុងការវាយប្រហារ២លើស្នងការដ្ឋានរបស់ប៉ូលិសនៅទីក្រុងកាណូ ជាទីក្រុងដែលរងការវាយប្រហារនាពេលថ្មីៗនេះ ដោយពួកអ៊ិស្លាមរ៉ាឌីកាល់នៃក្រុមបូកូហារ៉ាម ។ ការវាយប្រហារមួយកើតមានកាលពីថ្ងៃទី៣០ មករា នៅក្រុងកាណូជាទីក្រុងធំទី២ របស់ប្រទេសដែលនៅទីនោះពួកអ្នកវាយប្រហារបានបាញ់លើប៉ុស្តិ៍ប៉ូលិសមួយ ។ ប៉ុន្មានម៉ោងមុននេះ គឺនាយប់ថ្ងៃទី២៩ មករា ពួកជនប្រដាប់អាវុធបានវាយលុកចូលប៉ុស្តិ៍ប៉ូលិសមួយកន្លែងទៀត ហើយជនស៊ីវិល២នាក់ត្រូវស្លាប់។
ចំណែកនៅទីក្រុងប៉ូទីស្កូមវិញ ពួកមនុស្សដែលជិះកង់បានបាញ់សម្លាប់អ្នកយាមព្រះវិហារកាតូលិកម្នាក់ ។ រួចនាពេលរាត្រីពួកជនមិនស្គាល់មុខជិះម៉ូតូបានបាញ់លើមនុស្សមួយក្រុមក្នុងមូលដ្ឋានមួយនៃរដ្ឋប័រណូ ដោយសម្លាប់មនុស្ស២នាក់ ៕
ចែករំលែកព័តមាននេះ