ប្រធានក្រុមប្រឹក្សាអឺរ៉ុប លោក HERMAN VAN ROMPUY ថ្លែងកាលពីយប់ថ្ងៃទី៣០ មករា ថា ប្រទេស២៥ ជាសមាជិកសហភាពអឺរ៉ុប លើកលែងតែអង់គ្លេស និងសាធារណរដ្ឋឆេក បានអនុម័តសន្ធិសញ្ញាថវិកាថ្មីដែលសំដៅពង្រឹងវិន័យថវិកានៃតំបន់អឺរ៉ូ។ ក្នុងសន្និសីទសារព័ត៌មានមួយធ្វើឡើងក្រោយកិច្ចប្រជុំកំពូលអឺរ៉ុប លោក VAN ROMPUY មានប្រសាសន៍ថា យើងបានទទួលយក ហើយអនុម័តសន្ធិសញ្ញាថវិកានេះជាសន្ធិសញ្ញាស្តីពីស្ថេរភាព និងដើររួមគ្នាទៅរកសហភាពសេដ្ឋកិច្ច និងរូបិយវត្ថុមួយ ។
ប្រទេស១៧ជាសមាជិកនៃតំបន់អឺរ៉ូ នឹងចុះហត្ថលេខាលើសន្ធិសញ្ញានេះ នាឱកាសនៃ កិច្ចប្រជុំកំពូលអឺរ៉ុប នាខែមីនាខាងមុខ ដូចបណ្តាប្រទេសនៅក្រៅតំបន់អឺរ៉ូ ដែលចង់ចូលតំបន់អឺរ៉ូ ដែរ ។ សន្ធិសញ្ញានេះគ្រោងឱ្យមានការទទួលខុសត្រូវកាន់តែខ្លាំងឡើង និងមានការត្រួតពិនិត្យដ៏ប្រសើរមួយ ។ ប្រទេសនីមួយៗដែលចុះហត្ថលេខាសន្យាធ្វើសមាហរណកម្មមួយ+បញ្ឈប់ការជំពាក់បំណុល ឬមួយ+បែបបទមាសក្នុងច្បាប់របស់ខ្លួន ហើយនឹងធ្វើក្នុងកម្រិតរដ្ឋធម្មនុញ្ញ ឬកម្រិតប្រហាក់ប្រហែលគ្នា។
សន្ធិសញ្ញានេះត្រូវចុះហត្ថលេខាក្នុងខែមីនា ដោយរដ្ឋ២៥ជាសមាជិកសហភាពអឺរ៉ុប ហើយចូលជាធរមានក្រោយពេលបណ្តាប្រទេសជាសមាជិកតំបន់អឺរ៉ូផ្តល់សច្ចាប័ន
រួចហើយ ៕
ចែករំលែកព័តមាននេះ