ម៉ាស៊ីនឃោសនាក្នុងស្រុករាយការណ៍កាលពីថ្ងៃទី៣០ មករា ថា គណបក្សមហាគណបក្សជាតិជាគណបក្សអភិរក្សនិយមកំពុងកាន់អំណាចនៅកូរ៉េខាងត្បូង បានលើកឡើងពីគោលនយោបាយបន្ទន់ជំហរមួយចំពោះកូរ៉េខាងជើង។ យោងតាមទីភ្នាក់ងារព័ត៌មានកូរ៉េខាងត្បូង YONHAP ថា គណបក្សនេះគ្រោងលុបចោលខដែលសន្យាធ្វើការខិតខំប្រឹងប្រែងដើម្បីជំរុញសិទ្ធិមនុស្សនៅកូរ៉េខាងជើង ហើយជួយប្រទេសកុម្មុយនីស្តនេះឱ្យធ្វើការឆ្លងកាត់ប្រជាធិបតេយ្យមួយ។
គោលនយោបាយថ្មីនេះគូសបញ្ជាក់ថា គណបក្សនឹងជួយទ្រទ្រង់យ៉ាងសកម្មដល់កូរ៉េខាងជើងក្នុងការប៉ុនប៉ងផ្សាភ្ជាប់ខ្លួនជាមួយសហគមន៍អន្តរជាតិ ។ ការផ្លាស់ប្តូរនេះ កើតមានខណៈដែលបណ្តាសមាជិកសភាប្រឆាំង និងពួកសេរីនិយមរិះគន់លោកប្រធានាធិបតីលី ម្យុងបាក់ និងគណបក្សរបស់លោកថា អនុវត្តនយោបាយប្រឈមមុខដាក់គ្នាជាមួយក្រុងព្យុងយ៉ាងដែលញ៉ាំងឱ្យមានភាពតានតឹងជាប់នៅឧបទ្វីបកូរ៉េ។
តាមពិតទំនាក់ទំនងអន្តរកូរ៉េបានស្រុតចុះយ៉ាងទាបចាប់តាំងពីលោកលី ម្យុងបាក់ ឡើងកាន់អំណាចពីឆ្នាំ២០០៨ មកហើយ ធ្លាក់ដល់កម្រិតទាបបំផុត កាលពីឆ្នាំ២០១០ បន្ទាប់ពីឧប្បត្តិហេតុបង្ហូរឈាម២លើកនៅតាមព្រំដែនមក៕
ចែករំលែកព័តមាននេះ