និយោជិតចិន៣៤នាក់ កាលពីថ្ងៃទី៣០ មករា បានមកដល់ទីក្រុងខាទុម ក្រោយការវាយប្រហាររបស់ពួកឧទ្ទាមលើជំរំរបស់សហគ្រាសពួកគេដែលទទួលបន្ទុកសាងសង់ផ្លូវថ្នល់ក្នុងរដ្ឋគ័រដូហ្វាន ខាងត្បូងរបស់ស៊ូដង់។ ក្រុមនេះមានជនជាតិចិន១៧នាក់ ដែលធ្វើការក្នុងជំរំមួយជិតទីក្រុងអាល់អាប់បាស៊ីយ៉ា នៅគ័រដូហ្វានខាងត្បូង ដែលរងការវាយប្រហារពីសំណាក់ពួកឧទ្ទាមនៃក្រុម កងទ័ពប្រជាជនរំដោះស៊ូដង់ APLS ចំណែកពលករចិនឯទៀតៗធ្វើការក្នុងជំរំមួយទៀត ។ ជនជាតិចិន១២នាក់ ទៀត ដែលធ្វើការក្នុងសហគ្រាសនោះដែរ ហើយទទួលបន្ទុកកសាងផ្លូវថ្នល់មួយនៅគ័រដូហ្វានខាងត្បូងក៏ត្រូវចាកចេញដែរ។
ឯកអគ្គរដ្ឋទូតចិនប្រចាំប្រទេសស៊ូដង់ លោក LUO XIAOGUANG និងអ្នកទទួលខុសត្រូវស៊ូដង់មួយចំនួនបានទទួលពលករចិនទាំងនេះពេលពួកគេមកដល់ព្រលាន យន្តហោះក្រុងខាទុម។ថ្លែងទៅកាន់សារព័ត៌មាន លោក LUO បានអំពាវនាវដល់ក្រុងខាទុមឱ្យបន្តបង្កើនការតាមរកនិយោជិតចិនដទៃទៀត ដែលនៅបាត់ខ្លួន។ សមាជិកពួកឧទ្ទាម APLS មួយក្រុមកាលពីថ្ងៃទី២៨ មករា បានវាយប្រហារទីតាំងសហគ្រាសកសាងផ្លូវថ្នល់ចិននៅរដ្ឋគ័រដូហ្វានខាងត្បូង ដោយចាប់ពង្រត់និយោជិតចិន២៩នាក់ តែកងទ័ពស៊ូដង់បានជួយរំដោះវិញបាន១៤នាក់ នៅបាត់ខ្លួន១៥នាក់ទៀត៕
ចែករំលែកព័តមាននេះ