ការសិក្សាថ្មីមួយបានរកឃើញថា ការឈឺចាប់មិនឈប់ឈរ បញ្ហាការទទួលទាន និងការធ្លាក់ទឹកចិត្ត ជាបញ្ហាទូទៅដែលកើតចំពោះអ្នកមានជំងឺមហារីកក្បាល និងកក្រោយពេលវះ
កាត់ ។
ក្នុងការសិក្សា ក្រុមអ្នកស្រាវជ្រាវបានសិក្សាលើមនុស្សចំនួន៣៣៧នាក់ ដែលបានធ្វើរោគវិនិច្ឆ័យលើជំងឺមហារីកក្បាល និងកពីឆ្នាំ១៩៩៥ ដល់ឆ្នាំ២០០៤ ហើយបានរស់នៅយ៉ាងតិច៥ឆ្នាំ។
ក្រុមអ្នកស្រាវជ្រាវបានរកឃើញថា អ្នកជំងឺច្រើនជាង៥០ភាគរយ មានបញ្ហាលើការបរិភោគ ដោយសារដំណើរការបំពង់កមិនល្អ២៨,៥ភាគរយ មានរោគសញ្ញាបាក់ទឹកចិត្ត និងច្រើនជាង១៧ភាគរយ មានការឈឺចាប់ខ្លាំង ។
ប៉ុន្តែវេជ្ជបណ្ឌិតហ្គើរី ហ្វាំង (Gerry Funk) និងអ្នករួមការងារបានពន្យល់ថា នៅពេលដែលពួកគេបានយកក្រុមអ្នកជំងឺទាំងនោះទៅប្រៀបធៀបជាមួយមនុស្សធម្មតា ដែលមានអាយុដូចគ្នានិងសុខភាពជាមធ្យម គឺមានសភាពប្រហាក់ប្រហែលគ្នា ។
ក្រុមអ្នកស្រាវជ្រាវក៏បានរកឃើញថា ការឈឺចាប់ និងរបបអាហារនៅក្នុងឆ្នាំទីមួយក្រោយពេលព្យាបាលជំងឺមហារីក គឺជាកត្តាប៉ាន់ស្មានខ្លាំងបំផុតសម្រាប់រយៈពេល៥ឆ្នាំ ដែលជាលទ្ធផលគុណភាពជីវិតទាក់ទងនឹងសុខភាព ។
បញ្ហាជាមួយដំណើរការមាត់ និងបំពង់.កនៃអ្នកជំងឺមហារីកក្បាល និងកក្រោយពេលព្យាបាលអាចកើតឡើងដោយសារកត្តាដូចជា ការប្រែប្រួលនៃសរសៃប្រសាទ និងសាច់ដុំ កង្វះការវិភាគក្រោយពេលវះកាត់ ការឈឺចាប់ និងបញ្ហាធ្មេញ ។
ក្រុមអ្នកស្រាវជ្រាវបានធ្វើការសន្និដ្ឋានថា «ការធ្វើអន្តរាគមន៍ទាន់ពេលដែលទាក់ទងនឹងបញ្ហាការទទួលទាន ការលេប និងការគ្រប់គ្រងលើការឈឺចាប់ នឹងជាសមាសធាតុសំខាន់ក្នុងការកែសម្រួលសុខភាពអ្នកជំងឺកាន់តែប្រសើរឡើង ជាពិសេសអ្នកដែលមានដំណើរការមិនល្អក្រោយពេលរោគវិនិច្ឆ័យបានមួយឆ្នាំ » ៕
ចែករំលែកព័តមាននេះ