រាជធានីភ្នំពេញ ៖ នាពេលថ្មីៗនេះ ក្រុមអ្នកបច្ចេកទេសរបស់ក្រុមហ៊ុន ជី ហ្គៀ បានបញ្ចេញនូវសមិទ្ធផលថ្មីចំនួនពីរគឺ ពុម្ពអក្សរខ្មែរ យូនីកូដ និងក្តារចុចភាសាខ្មែរសម្រាប់អ្នកប្រើប្រាស់ទូរស័ព្ទស្មាតហ្វូន LG Optimus 2X ដែលប្រើប្រាស់ប្រព័ន្ធដំណើរការ Android ។
ចាប់ពីថ្ងៃនេះតទៅ រាល់ទូរស័ព្ទ LG Optimus 2X ដែលដាក់លក់នៅតាមទីផ្សារគឺដំណើរការដោយប្រព័ន្ធ Android v2.3 និងមានពុម្ពអក្សរខ្មែរយូនីកូដរួចជាស្រេចសម្រាប់ការសរសេរ និងការអាន ជាពិសេសការបើកមើលវេបសាយអក្សរខ្មែរ ។
ជាមួយនឹងពុម្ពអក្សរខ្មែរយូនីកូដដែលមានស្រាប់នៅក្នុងទូរស័ព្ទ LG Optimus 2X (P990)ធ្វើឱ្យយើងកាន់តែងាយស្រួលក្នុងការប្រើប្រាស់ និងការសរសេរអក្សរ ដោយយើងគ្រាន់តែចូលទៅកាន់ Android Market រួចស្វែងរកពាក្យថា Phum Keyboard បន្ទាប់មក download និង install នោះយើងនឹងទទួលបានបទពិសោធន៍ថ្មីនៃការប្រើប្រាស់ពុម្ពអក្សរខ្មែរយូនីកូដ នៅក្នុងទូរស័ព្ទដៃយ៉ាងពេញលេញ ។
ចំពោះអតិថិជនដែលកំពុងប្រើប្រាស់ទួរស័ព្ទ LG Optimus 2X ដែលមានប័ណ្ណធានាត្រឹមត្រូវ ក្រុមហ៊ុន ជី ហ្គៀ នឹងធ្វើការដំឡើងពុម្ពអក្សរខ្មែរយូនីកូដដោយមិនគិតថ្លៃសេវា។ សម្រាប់ព័ត៌មានបន្ថែមសូមទំនាក់ទំនងមជ្ឈមណ្ឌលសេវាកម្ម LG ស្ថិតនៅអគារលេខ ១៨៨ មហាវិថីម៉ៅសេទុង ឬតាមទូរស័ព្ទ ០២៣ ២២ ៥៤ ៥៤ ។
ក្រុមអ្នកបច្ចេកទេសរបស់ក្រុមហ៊ុន ជី ហ្គៀ កំពុងតែខិតខំប្រឹងប្រែងដើម្បីធ្វើឱ្យទូរស័ព្ទ LG ស្មាតហ្វូន (ឬ Optimus ស៊េរី) ទាំងអស់អាចប្រើប្រាស់ពុម្ពអក្សរខ្មែរយូនីកូដបានយ៉ាងពេញលេញ ។ ក្រុមហ៊ុនជី ហ្គៀនឹងបន្តខិតខំ ឱ្យកាន់តែខ្លាំងថែមទៀតដើម្បីឱ្យអ្នកប្រើប្រាស់ទូរស័ព្ទស្មាតហ្វូនម៉ាក LG ទទួលបានអត្ថប្រយោជន៍កាន់តែច្រើនៗ ដើម្បីជួយសម្រួលដល់ការងារ ការសិក្សា និងការកម្សាន្ត ។
ចែករំលែកព័តមាននេះ